SHAIMAA HASSAN

•  

 

---

 

 

 the clouds

هذه مجموعة من صور للسحاب التقطها جون اولسن في بلدته بنبراسكا الشهيرة بالتقلبات الجوية وهي سحب كثيفة جدا ومنخفضة تسمي 'سحب ماماتوس'. هذه السحب لا تشكل خطرا ولا تنبيء بقدوم اعاصير وتتحلل بعد بضعة أيام ولكن شكلها مخيف الي حد ما وجميل في نفس الوقت وهي شاهد علي عظمة الخالق وقوته جل جلاله.

عندما ترى قواعد السحب تشبه الفقاقيع فاعلم انها غيوم الماماتوس لان الغيوم العاديه قواعدها مسطحه

دلالاتها: تدل هذه الغيوم على ان الجو العاصف قد انتهى او ان العاصفه الرعديه بدات تضعف وفي بعض الاحيان تنشأ من هذه الغيوم عواصف رعديه عنيفه وبرد بحجم كبير ورياح شديده

كيف تتشكل: كثيرا ماتحدث هذه الغيوم تحت غيوم المزن الركامي ولحدوثها يجب ان تكون طبقات الجو العليا والمتوسطه رطبه وغير مستقره وتحت هذه الطبقات طبقه جافه جدا ثم يجب حدوث التيار الصاعد وهو الذي يعطي لتلك الغيوم شكلها المميز.

 

 

 

 

 

 

 

 

---

Disclaimer

 

This communication is intended for the above named person and is confidential and / or legally privileged. Any opinion(s) expressed in this communication are not necessarily those of  Zain. If it has come to you in error you must take no action based upon it, nor must you print it, copy it, forward it, or show it to anyone. Please delete and destroy the e-mail and any attachments and inform Dhuha.Alsumait@... immediately. Thank you.

Zain is not responsible for the political, religious, racial or partisan opinion in any correspondence conducted by its domain users. Therefore, any such opinion expressed, whether explicitly or implicitly, in any said correspondence is not to be interpreted as that of Zain.

 

Zain may monitor all incoming and outgoing e-mails in line with Zain business practice. Although Zain has taken steps to ensure that e-mails and attachments are free from any virus, we advise that, in keeping with best business practice, the recipient must ensure they are actually virus free. 

---

---

Invite your mail contacts to join your friends list with Windows Live Spaces. It's easy! Try it!

---

Connect to the next generation of MSN Messenger  Get it now!

                                              مقدمة

 الحمد لله رب العالمين حمد عباده الشاكرين حمدا يوافى نعم الله علينا ويكافى مزيده ونعيمه وبعد فأن أصدق الحديث كتاب الله وأوثق العرى كلمة التقوى وخيرالملة ملةابراهيم وأحسن السنن سنة محمد (ص) وخير الهدى هدى الأنبياء وأشرف الحديث ذكر الله وخيرالقصص القرآن وخير الامور عواقبها وشر الامور محدثاتها وما قل وكفى خير مما كثر وألهى ونفس تنجيها وخير من امارة لا تحصيها وشر المعذرة  حين يحضرالموت وشر الندامة ندامة يوم القيامة وشر الضلالة الضلالة بعد الهدى وخير الغنى غنى النفس وخير الزاد التقوى وخير   ماألقى فى القلب اليقين والريب من الكفروشر العمى عمى القلب والخمر جماع الاثم والنساء حبائل الشيطان والشباب شعبة من الجنون والنوح من عمل الجاهلية وأعظم الخطايا الكذب ومن يعفو يعف الله عنه ومن يكظم الغيظ يأجره الله ومن يغفر يغفر الله له ومن يصبر على الرزية يعقبه الله وشر المكاسب كسب الربا وشر المآكل مال اليتيم وملاك العمل خواتمه وأشرف الموت قتل الشهداء ومن يستكبر  يضعه الله ومن يعص الله يطع الشيطان أما بعد اليكم....

قصيدتى وهى بعنوان

(أوراق فلسطينية)

               ساعدوا طفلى ليحيا

              ناسيا ما قد يعود             علموا ابنى عزيزى                                 

أنما طال الصمود                  دربوه على الرماية                          

جندوه مع الجنود                  علموا ابنى الطهارة                                 

والبراءة كى يسود                 ليس للأخلاق معنى                                

ليس للدنيا عهود                    انما الدنيا تحدى                                     

انما الدنيا جحود                    أشحنوه بكل هذا                                    

كل ذلك كى يسود                  يا تلاميذ الحجارة                                   

ضاجع الأرض الجنود            اشعلوا الأرض احتراقا                            

أملؤا الدنيا رعود                   يا شباب العرب هيا                                 

كسروا كل القيود                   ليس للأخلاق معنى                                      

لم يعد يجدى القعود                ابصقوا فى وجه بلفر                               

بعد فرعون وثمود                 قوم شامير اقتلوهم                                 

اسكنوهم فى لحود                  ذكروهم أن موسى                              

لم يكن يهوى السجود               غير لله تعالى                                         غير لله الودود                      فازرعوا بالقدس جنة                                زينوها بالورود                     يا فلسطين الحبيبة                                    رغم أنف بن اليهود                طفلك الغالى سيحيا                                   طاهرا طهر الوليد                  سوف يحيا بالكرامة                                  فى قلوب من حديد                   سوف يحيابالسماحة                                  عابدا رب الوجود                   عازفا للحب لحنا                                                  

     شاديا لحن الخلود

منقول

مع تحياتى محمد كمال

---

To: Analyse_This_@yahoogroups.com
From: Analyse-This
Date: Sun, 1 Jun 2008 13:40:28 +0300
Subject: [Analyse_This_] Butterfly‏

---

 

 

 

 

 

 

 

 

 

 

 

 

 

 

 

 

 

---

Get news, entertainment and everything you care about at Live.com. Check it out!

عزيزتى صابرين

 تحية طيبةوبعد

من غير لف ودوران ودخول فى الموضوع علطول ، انا قريت الموضع لأخرة وطبعاً الموضع بتاع الزوج وزوجته العجوز ,برنا يوفقك إنشاء الله بمثلة.

عشان تعرفى ‘إزاى هما وصلوا لهذه المرحله فى حاجات كتير أوى ، وعشان تعرفى عرفتها منين ، عشت مع جدى الله يرحمه ومع جدتى عمرى كله يعنى 26 سنه

1- الاحترام اهم حاجة فى الدنيا انه يكون متبادل

2- متفتكريش ان الحياه بسيطة وسهله اوى كده فيها مطباعت كتيرة ولما الست بتتحمل الراجل بيقدر دا بعد كده مش فى ساعتها بس على المدى البعيد

3- الثقة المتبادله تخيلى بعد الشر لو قعدى مع واحد مش قدرى تثقى فيه ، يبقلى دا اسمه ايه؟

4- متشغليهوش ابداص بمشاكل البيت ، خصوصا لما يكون راجع من الشغل وطبعا بعد سواقة اليومين دول تحمدى ربنا انه رجع البيت.

5- دائماً تحسسى اولادك بأن هو الكل فى الكل ويا ويلهم لو عرف الغلطة اللى عاملوها دا بيخليه حساس بشخصيته فى البيت

6- المشاركة يعنى لازم تبقى صاحبته وعندك قدره على الاستماع الراجل يحب لما يكون بيكلمك تسمعيه وتردى عليه وتناقشية لانه مش بيكلم حيطة ولا بيكلم نفسه.

فكرى فى الحجات اللى بيحبها واعمليها.

 الى أأأأأأأأأأأأأأأأأخرة

طبعاً هتقولى عماله تدينى نصايح اعملها وفين النصايح اللى  هو المفروض يعملها ليكى حق

1- المشاركة فيها اية لو تشاركها هوياتها

2- اخرجوا مع بعض ولو مرة فى الشهر عشان تحسوا بالتغيير

3- مش كل شوية تتطلب منها حاجات كتيير هى بردوا انسانه ليها احساس ومشا عر هى مش ماكينة  
4-الاولاد لازم يحسوا بتواجدك - اسأل عليهم - ولو من الباب العلم بالشىء مش كل حاجة هى-

5-هى ملاهاش زنب فى المشاكل اللى بتحصبل عندك فى الشغل كل شوية تزعق وتشخط ممكن تتكلم تفضفض هتلطعها فى عصبية وبعدين هى اه ممكن تكون عاقله بس مش دائما

6- عاملها على انها ليدى مش واحدة بتشتغل عند - يرجى  ايه لو طلبت الحاجة وقلتلها ممكن - او لوسمحت - بلاش اسلوب الامر الناهى - لأنه فى مرة هتنفجر فى  وشك وتقولهك انا مبشتغلش عندك و اناً

يعنى من الأخر بالبلدى شايلنى واشيلك والأفة ام ودنين يشلوها اتنين

 ولازم نفوت مش كل واحد يقعد للواحد علالكلمة والا هتبقى الحياة خانقة

 وتمنياتى للجميع بالتوفيق 

---

To: analyse_this_@yahoogroups.com
From: Analyse-This
Date: Tue, 3 Jun 2008 00:03:02 +0300
Subject: [Analyse_This_] أنا عاوزه من ده

 
 

 

 

 فى حكمه بتقول إن :" الإنسان عدو ما يجهل"، بمعنى إننا غالباً "بنهاجم" الحاجات إلى ما نعرفها، أو على الأقل بننفر منها وبيكون موقفنا سلبى تجاهها. يعنى افرض مثلاً انى قلت لكم عزماكم على بط بالبرتقال أو فراخ مشويه بالسكر البُنى.....يــــــــع، أكيد دى الكلمه إللى صدرت من معظمكم دا غير علامات القرف والتقزز.

ودا بالظبط إللى كان بيحصل معايا لما بسمع كلمة "حــــــب" أو حد يكلمنى عنه، والأكتر من كدا انى كنت بهاجم الحب بشراسه وبسخر منه كمان، ولما واحده صحبتى تتخطب و"تتدهول" فى الحب كنت بعملها تريقة القعده، ودايماً بقول ان مفيش حاجه اسمها حب ودا وهم إحنا بنعيش فيه نفسنا علشان نعرف نبلع الواقع، يعنى بنخلق لنفسنا حياه غير الحياه، مرطب بيخفف من خشونة الدنيا.ودا ناتج عن انطباعاتى الســيئــه عن كل قصص الحب إللى سمعتها او قريتها

 

ولو بصيتوا فى أشهر قصص الحب العالميه هتلاقوها اشتهرت علشان "مآسيها" مش علشان نهاياتها السعيده، لو كانت سعيده ما كانوا ذكروها.وكمان القصص دى كلها "خايبه وفاشله" ولا عمرى هعترف بيها علشان مزيفه ومن غير اساس.

عارفين "روميو وجوليت" العيال إللى عندهم 14 سنه ،لو كانوا أهاليهم كانوا هاودوهم واشتروا دبلتين وخلصوا الموضوع من غير عناد، كانوا العيال هيزهقوا من بعض وتتفركش الحكايه من غير مأساه أقرب إلى الملهاه، عناد مش اكتر غير انى روميو كان عاطل ومش وراه حاجه غير اللعب والسباق والحفلات، والتانيه محبوسه ومش لاقيه حاجه تعملها فجمعهم "الـــفراغ" فى وهم اسمه الــــــــحــــــــب.

وكليوباترا حبت انطونيوا علشان نفوذه ومعاداته لأخو مراته "اكتافيوس" ولو كان اكتافيوس هو اللى جه بدل انطونيو كانت بردو حبته وخلصت الحكايه من غير انتحار وكلام فارغ، هى انتحرت علشان خافت على نفسها من البهدله مش حزناً على المحروس المهزوم.

مين كمان؟؟ آه... قيس وليلى، ودى أسوء قصص الحب، بذمتكم ودينكم فى حد يحب واحده فى بيئه شرقيه جافه ويفضحها؟؟!!،عارف ان ممنوع "التشبيب" – يعنى انك تقول كلام حب او شعر فى اللى بتحبه- وإللى يعمل كدا تتحرم عليه حبيبته ويتمنع من زواجها، ورغم ذلك قيس ولا همه وفضل يتغزل فى البنت ويشهر بيها والجزيره العربيه كلها بقت تقول قصايده وعرفت اسمها واتفضحت،كأن الشهره والشعر اهم من ان تجمعه مع حبيبته خيمه واحده. كان عارف انها هتتحرم عليه، دى عاداتهم وتقاليدهم والتاريخ ما ذكر ان قيس كان بيدرس فى اوروبا علشان كدا ما عرف التقاليد دى، دا كان بيعملها متعمد...وبتقولوا ان دا حــــــــــب؟؟؟

اظن سمعتوا كمان عن عنتر وعبله، ابو المبالغه كلها قال إيه :" ولقد ذكرتك والرماح نواهلُُُ منى وبيض الهند تقطر من دمى .....فوددت تقبل السيوف لأنها لمعت كبارق ثغرك المتبسم"..آه يا...... ولا بلاش

دمه سايح وعاوز يبوس السيوف علشان فكرته بسنانها اللامعه، البيه الحبييييب بعد ما اتجوز "عبله" قلبها، وخصوصاً لما طلعت مش بتخلف وكمان اتجوز عليها، دى حقيقه تاريخيه، بذمتكوا دا حب نستشهد بيه؟؟!!!

 

مش دا الحب القدوه إللى نتمثل بيه ونتمناه فى حياتنا، الحب المبنى على وش الأرض من غير أساس أكيد هينهار مع اول خبطه، علشان كدا أعلى معدلات الطلاق بتكون فى اول سنه بعد الجواز، الولد والبنت كانوا بيحبوا بعض بطريقة الافلام والاغانى، الفارس الخشب والعروسه الحلاوه، الواد الأمور والبنت اللذيذه.

مش دا الحب إللى يبنى بيوت ويعمرها ويخليها تصمد على مر السنين.

 أنا مش عاوزه الحب إللى من النوع ده، حتى لو مكنش فى غيره فيبقا مش عاوزه حب خالص وخلينى كدا احسن.

مره شفت اتنين اتمنيت انى اكون فى مكانهم، والله من كل قلبى دعيت اكون زيهم انا وزوج المستقبل وعيونى دمعت وانا بدعى،كنت مسافره بالسوبر جيت، ودا بالنسبه لى أحلى سفر علشان بنكون "مجتمع" صغير فى مكان مغلق، ببص لوشوش الناس واعمل عليها حواديت،بعد ما قعدت فى الكرسى لقيت واحده ست عجووووزه أوى بتطلع الأتوبيس وبتمد إيديها تساعد حد لساه بيطلع وراها. من حسن حظى انهم قعدوا قصادى، شكلهم جميل، بيجذبوا العيون وكأنهم مغناطيس.من اول ما ركبوا وهما مبتسمين وراسهم فى راس بعض،وهات يا سهارى بصوت همس ولا كأنهم مخطوبين لو لسه شباب بيحبوا بعض. والراجل كل شوى يسألها "انت مستريحه كدا؟" وشوي يحط دراعه وراها وشوى يساعدها تتعدل.كان لازم اتكلم معاهم ولأنى دايماً ماشيه بــ"محل بقاله" صغنن فى شنطتى قلت افتح كلام واعزم عليهم، وفعلاً الراجل مد ايده علشان ياخد منى حاجه لقيت الست بتمسك ايده وبتقول له "لأ" بطريقه وكأنها عتاب، لقيته بيبتسم وبيقول لها :" والله مش لى دا ليكى" ورجع قال لى " اصل عندى السكر وهى بتخاف على، لكن ما دام هى أكلت يبقا انا اكلت " مش عاوزه اقول لكم انى عبيطه ودمعتى قريبه وبتأثر بسهوله؛ مسكت نفسى علشان ما اعيطش وألم الاتوبيس على ولا الناس يقولوا غيرانه منهم. فتحت معاهم كلام وعرفت انهم كانوا جايين يحضروا خطوبة "بنت بنتهم" وانهم ساكنين فى اسكندريه، وبقالهم 43 سنه متجوزين. طريقة كلامهم ونظراتهم لبعض تقول ان عينى بتخدعنى وان دول شباب فى شهر العسل، بس حكاياتهم القديمه بتؤكد شكلهم العجوز.وانجذبت معاهم وتعمدت انزل فى آخر المحطه بدل من سموحه.

هم عملوا إيه علشان يفضلوا كده؟؟!! كنت بكلم نفسى وأنا نازله، معقول فى كدا؟؟؟!!! دا يتسمى "حـــب"؟؟ لو اتسمى حب يبقا أكيد هيرفع من شأن الحب، اما لو بوصفهم بالكلمه دى فهتكون اقل بكتييييير من إللى يستحقوه، ولقيتنى برفع راسى للسما وبقول لــربنا " يا رب....أنا عاوزه من ده"، عاوزه جواز يعيش ويدوم ويعد السنين، عاوزه أعيشه بكل مشاكله ومشاعره وصحته ومرضه، عاوزه ألمس وأحس توافقاته وتناقضاته، مش مهم يكون اسمه ايه، حُب أو عشره... المهم يكون فيه الحاجات الحلوه دى.

 

عاوزه من ده...بعد سنيين جواز طويله، عاوزه افضل كل ما ابص لزوجى أبتسم، مش هتهمنى التجاعيد على وشه ولا طقم السنان إللى فى الكوبايه على الكومودينو، ولا كوام الأدويه، ولا المشاكل إللى قابلناها طول حياتنا ولا مصروف البيت الشويه وطلبات الولاد وجهاز البنات ولا الخناقات على اتفه سبب، هيفضل دايماً بينا شئ "حلو" له طعم، شئ يخلينى لما يسألنى "بتبتسمى ليه؟" أقول له " علشان مش متخيله لو ما كنت اتجوزك كان حالى هيكون إزاى؟؟ ولو رجع بى الزمن بردو هختارك انت رغم كل إللى عانيته معاك".

الحاجات دى كلها ممكن تنمو بين اتنين متجوزين وعايزين يعيشوا صح حتى لو كان جوازهم مش عن حب

حتى لو كانوا ما يعرفوابعض قبل الزواج، بس المهم يكون هم الاتنين عندهم نفس الاستعداد والرغبه فى ان الحياه تستمر على أكمل وأحلى صوره مش عيشه والسلام.

فى حين ممكن نلاقى ناس كتير متجوزين عن حب وفضلوا سنين مع بعض قبل الجواز، ورغم كدا بعد كام شهر او كام سنه تلاقى الحياه بينهم تفتر

والحب يموت.........أيوه بيموت وبــــــــــــيــنتحـــر كمان.

 

لما ما يلاقى إللى يراعيه ويكبره أكيد هيموت او ينتحر من وش الإتنين الغم إللى عايش معاهم،هيحس انه وقع فى إيد ناس مش مقدرينه علشان كدا لازم يهرب منهم.

أسباب كتير ممكن تقتل الحب أو تدفعه للإنتحار، قلت لكم زى إهمال أحد الزوجين للآخر وانشغاله عنه. وكمان زى العين الزايغه لبعض الرجاله وكمان بعض الستات، وان كل حد يبص لزوج او زوجة التانى يقارنها بحاله. ممكن واحد يكون سعيد ومستمتع وهو بياكل ساندوتش فول علشان بيحبه، وتلاقى إللى جنبه بيبص بقرف للحمام إللى معاه وعيونه بتزوغ على الفول، هل لو أكل من الفول هيستمتع زى التانى ولا دى مجرد فراغة عين وعدم قناعه؟؟

الراجل مش بيبص للفول ،دا بيبص لنظرة الاستمتاع فى عيون صاحب الفول، مش الفول هو سبب المتعه، ولكن حب الرجل للفول هو سبب متعته علشان كدا ما اهتم يبص على الحمام فى يد زميله.

ربنا سبحانه وتعالى بيقول :" وَلَا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنيَا لِنَفْتِنَهُمْ فِيهِ وَرِزْقُ رَبِّكَ خَيْرٌ وَأَبْقَى "(131) سورة طـــه.

أصعب حاجه هى "التفريق" بين زوجين، سواء من انفسهم بخيانة احد الطرفين للآخر او بتدخل طرف تالت واستغلال ثغرة الضعف دى بينهم، ومن عظمة الشأن ده ان ربنا سبحانه وتعالى خوف الناس منه وجعله من أمور السحر إللى الناس ممكن تستعين بيها فى افشال الزواج، ربنا ما تكلم عن السحر فى انه يسبب الغنى او الصحه او المراكز العليا ولكنه يستخدم فى امور اعظم واهم :" وَاتَّبَعُواْ مَا تَتْلُواْ الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيْاطِينَ كَفَرُواْ يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولاَ إِنَّمَا نَحْنُ فِتْنَةٌ فَلاَ تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُم بِضَآرِّينَ بِهِ مِنْ أَحَدٍ إِلاَّ بِإِذْنِ اللّهِ وَيَتَعَلَّمُونَ مَا يَضُرُّهُمْ وَلاَ يَنفَعُهُمْ وَلَقَدْ عَلِمُواْ لَمَنِ اشْتَرَاهُ مَا لَهُ فِي الآخِرَةِ مِنْ خَلاَقٍ وَلَبِئْسَ مَا شَرَوْاْ بِهِ أَنفُسَهُمْ لَوْ كَانُواْ يَعْلَمُونَ (102) سورة البقره

تلاقى بعد الزواج لو أحد الطرفين حبه فتر التاني بيستسهل ويوفر على نفسه المحاوله ويشوف له سكه تانيه؛ الخيـــــانه، ما تستغربها عن رجل او إمرأه وما أكثر أصحاب النفوس الضعيف.

تلاقى الناس لما بتفكر فى الحب بييجى فى بالهم الحب الملهلب بتاع الأغانى وأول الزواج، ما سمعوش عن "الحب العاقل" بتاع طول العمر.

 

إحنا ناس كبار صح؟؟؟ وعلشان كدا انا عاوزه اكبر معاكم وهكلمكم على المكشوف

 

هو الحب فى الزواج معناه العلاقه الزوجيه والكلام الحلو بس؟؟؟ ما اعتقدش، وإلا ما يكون حب وله اسم تانى اتكسف اقوله.

لو كان الحب يعنى علاقه وبس كان انتهى عند سن معين وكل الأزواج انفصلوا عن بعض،وما كان ربنا تحدث عن "الموده والرحمه"فى الحديث عن الزواج :" وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ (21) سورة الروم

ولا الزواج يعنى أولاد ولا حتى بيت مفروش كويس، الزواج "رباط مقدس" لا ينقطع بإنقطاع أى من الأسباب إللى قلتها لكم.

يعنى سواء فى علاقه او مفيش فى أولاد أو مفيش فى صحه وفلوس أو مفيش..كدا كدا رباط الزواج مستمر بشئ قوى لا يمكن تسميته ولا حتى بكلمة "حُــــــــــــــــب"، وإلا كان ربنا سبحانه وتعالى ذكرها مع السكينه والموده والرحمه.

عـــــــــــــــهـــــــــــــد أخدتوه على انفسكم ولازم توفوا بيه ولو حتى تجاهدوا للحفاظ عليه.

واحده صحبتى فضلت 7 سنين تحب ابن الجيران واتجوزته، وبعد سنه من الجواز بسألها عن حبهم قالت " أبو ولادى" والله العظيم حصل!! بتحبه علشان بقا مقرد سبب فى وجود أولادها، ولو اختفى اعتقد انه مش هيفرق معاها ما دام الأولاد موجودين.

بزعل أوى على الحب إللى يروح بعد الزواج، يعنى زى الطفيليات والبكتيريا، ينمو فى البيئه القذره ويموت فى البيئه النظيفه.ينتعش قبل الزواج ويموت ويتحلل فى الزواج.

 

دعوه ورجاء لكل زوج و زوجه لإنقاذ زواجهم بكل وسيله ممكنه، خساره الحب إللى كان بينهم وناس كتير ممكن تحسدهم عليه، خساره العشره والولاد والحاجات الحلوه إللى بينكم،خساره الساعات والأيام والسنين الجميله إللى مكنش ينفع تعيشوها من غير بعض.

أنا لسه بهاجم الحُب الخيالى بتاع الأغانى، ومش عاوزه اعرفه، لكن بحترم أوى الحب إللى يدوم بعد الزواج

ويكون أقوى من أى سبب وكل حجه.

صدقونى...كل واحد ممكن ينقذ زواجه ويستمتع بيه لو حاول ولو محاوله بسيطه بأى مجهود بدل ما ييأس من اصلاح شريكه ويروح يدور على غيره.

 

يا كل زوج...والله العظيم تقدر تغير من زوجتك وتعيش معاها الحب زى ما بدأتم وأقوى بس حاول، ويا كل زوجه...أرجوكى استجيبى للمحاوله وبلاش كلمة كل ستات مصر " إحنا كبرنا عالحاجات دى" والنداء بالعكس لكل زوجه وكل زوج.

 الكلمه الحلوه إللى بتقولها لواحده تانيه زوجتك أولى بيها والإبتسامه الجميله واللمسه الحنينه زوجك أحق بيها

وزى ما قلت لكم..الحب والزواج كائنات حـــــــــــــيــه؛؛؛؛ بتموت بالإهمال والقسوه والسلبيه فى المعامله وتجاهل الطرف الآخر واعتباره كائن بلا مشاعر او أن مشاعره غير جديره بالإهتمام بمجرد توقيع عقد الزواج أو وصول أول طفل لكم.

 

لو كل واحد وفى بواجباته نحو الآخر قبل ما يطالب بحقوقه منه، وقتها هتكونوا كلكم زى نموذج الزوجين المسنين إللى حكيت لكم عنهم وهشاور على كل واحد فيكم وأقول "أنا عاوزه من ده" وأى حاجه تانيه لا يمكن ترضينى أو أقبل بيها

عقد الزواج رباط أبدى، وزوجى فى الدنيا هو زوجى فى الآخره حتى لو حواليه عشرات من الحور العين...وراه وراه ،وهاخد الثواب بيه وندخل سوا الجنه ومع بعض دنيا وآخره

فكروا واحسبوها بقلوبكم وعقولكم ومشاعركم وهتطلع الحسبه صح

والحب العاقل هو إللى هيكسب فى النهايه وكلنا هنعوز منه وبس وملهوش أى بديل تانى

 

 

اللهم متع أزواج المسلمين بزوجاتهم ومتع زوجات المسلمين بأزواجهن يا رب

 العالمين

 Sabrina Abu Ali

 

 

JOIN US!!

 

Analyse This ! Yahoo Groups

 

 Analyse This ! Facebook  

---

Discover the new Windows Vista Learn more!

 

في إحدى المدن تم افتتاح متجر لبيع (الأزواج) حيث يمكن للمرأة الذهاب لاختيار زوج بنفسها ومن بين التعليمات التي وضعت في المدخل حول أسلوب عمل المتجر : أن للمرأة فرصة الدخول مرة واحدة للمتجر ! ويمكن الاختيار من أحد الطوابق أو الذهاب إلى الطابق الآخر الأعلى منه ولكن لا يمكن النزول إلى أسفل.

:

:

دخلت إحدى النساء (لمتجر الأزواج) لاختيار زوج لها

في مدخل الطابق الأول علامة :

الرجال هنا لديهم عمل ومؤمنون بالله

وفي مدخل الطابق الثاني علامة :

 الرجال هنا لديهم عمل ومؤمنون بالله ويحبون أطفالهم

وفي مدخل الطابق الثالث علامة :

 الرجال هنا لديهم عمل ومؤمنون بالله

ويحبون أطفالهم وشكلهم جذاب

 

وكانت المرأة تـفكـر 'واو ولكن سأستمر بالصعود'

 

وقد وصلت إلى الطابق الرابع لتجد علامة :

 الرجال هنا لديهم عمل ومؤمنون بالله ويحبون أطفالهم وشكلهم جذاب ويساعدون زوجاتهم في أعمال المنزل

فتعجبت في خلجات نفسها

' يا إلهي إني لا أستطيع التحمل سأوافق '

ولكنها استمرت بالصعود

 

وفي مدخل الطابق الخامس وجدت علامة :

الرجال هنا لديهم عمل ومؤمنون بالله ويحبون أطفالهم وشكلهم جذاب ولهم قابلية رومانسية عالية لمغازلة زوجاتهم دائماً

وكادت أن تطأ قدمها ذلك الطابق إلا أنها استمرت بالصعود

 

وفي مدخل الطابق السادس وجدت علامة :

 

أنـت الـزائـرة رقـم    4.363.012

ليس هناك أي رجال في هذا الطابق

لأن هذا الطابق وجد خصيصا كبرهان أن النساء لا يمكن إرضاؤهم شكراً للتسوق في 'متجر الأزواج' وانتبهي لخطواتك وأنتِ تخرجين ونتمنى لكِ يوما سعيداً

ــــــــــــــــــــــــــــــــــــــ

 

 

---

 

 

وصلنى هذا الميل و اسمحولى أعلق عليه و ادافع عن كل بنات الجروب اللى باعتبرهم زى بناتى ..... طبعا انتو عارفين انى ماخلفتش بنات .. انا عندى ولدين و ثلاث احفاد كلهم اولاد .....اللى كتب هذا الكلام عايز يقول و يثبت أن النساء لا يمكن أرضائهم ... فهل نجح فى ذلك؟ ..لا أظن...

اولأ الموضوع ماهواش حرب .... ومهما قولنا وعدنا .. لا نقدر نعيش من غيرهم و لا هما يقدروا يعيشوا من غيرنا ... فنبطل بقا أنعره كدابه ونشوف ازاى نقدر نسعدهم علشان هما كمان يسعدونا ...... صدقونى الدنيا دى قصيره اوى ى ى ى انا لسه اول امارح كنت بخطب الست ام عمرو وبعد يومين او تلاته بصيت لقيتنا متجوزين ومخلفين عمرو وبعده علاء والاتنين كبروا واتخرجوا واتجوزوا وخلفوا ..... كل ده حصل ازاى و امتى والله منا عارف..فبلاش نضيع عمرنا فى حرب خايبه و من غير لازمه ....وبعدين هو خلا الرجاله مش اكتر من بضاعه للبيع فى محل..... لأ.. جدع بتعرف تدافع عن بنى جنسك .. ده لو افترضنا ان فيه اصلا ما يستوجب الدفاع....و بعدين اللى حيشترى من حقه يتفرج على كل البضاعه و يختار احسن حاجه ... مش حيدفع فلوس ..

الى كل بناتى  لو صادفك هذا المحل اطلعى للدور السادس و لو كنتي رقم 4363013 لاتندمى واعدى فى بيت اهلك معززه مكرمه وصدقينى كل بتوع الدور الخامس حيجوا لغايه عندك و ساعتها... نقى على كيفك ومن غير ما تدفعى فلوس 

و تقبلوا تحياتى              جدو محسن

 

 

JOIN US!!

 

Analyse This ! Yahoo Groups

 

 Analyse This ! Facebook  

---

Invite your mail contacts to join your friends list with Windows Live Spaces. It's easy! Try it!

  

الهرم ده بيت جدودى
والنيل سبب وجودى
وكبرت واشتد عودى
على حب اسمك يا مصر 

  
من بورسعيد للسلوم
ومن أسوان للفيوم
وف بحرك نزلت أعوم 
وارجع أبوس ترابك يا مصر 

   
فى الغربه عانيت سنين
وكان كلى أسى وحنين
ومهما رحت شمال ويمين
برجع أحن لحضنك يامصر 

  
شفت بلاد وأراضى خضرا
وكمان وديان وجبال وصحرا
لكن فى حسنك أخدت عبره
ان الجمال فى روحك يا مصر 

  
عشت فى بلاد ومدن كتيره
شفت أيام قاسيه وعسيره
بس فى قلبى عليك غيره
يا أحلى بلد يا بلدى يامصر 

  
اسمك يا مصر فى القرآن
شعبك طيب أوى وغلبان
برفع ايدى مع كل أذان
وأدعى المولى يعزك يا مصر

 
      

وعليك السلام ورحمة الله وبركاته

اللى عشته وخضته خلال 61 سنه علمنى كتير ولازلت اتعلم من الكبير والصغير

بلدى هى حبى - وتربية اولادى هى وجبى

وغربتى علمتنى وعشرتى لاهلى روضتنى وقالتلى الكمال مستحيل والسعى شيئ جميل

واسهل شئ النقد واصعب شئ اقود الناس والواحد فى اسرته بيحاول يعمل المستحيل ليسدهم

ولكن ليس الكل حاسس اوراضى باللى نعمله

وارجو ان تديرى شركه كبيره فيها عمال ومهنسين وفنيين  كلهم طالبين حقوقهم واجورهم

ولا يهمهم جمارك زادت مواد خام زادت ضرايب زادت منافسة شرسة من شركات منافسة

لا يهم احد . ! ! المطلوب المرتبات والحقوق

صدقى انهارده احسن من امبارح وبكره احسن من النهارده

وعشان تشعرى اننا احسن من غيرنا اسئلى اللى اتغربوا وعشان كده رجعت تانى ليكى وبحبك يامصر بكل الفيكى

وعليكى 

مهنس / ابراهيم موسى الفقى

"د.هاله خاطر" <Analyse-This@yahoo.com> wrote:

السلام عليكم ورحمة الله وبركاته

استفسار صغير من المهندس ابراهيم الفقى

هو حضرتك بتتكلم بجد؟

اصل انا من الجيل اللى حضرتك بتتكلم عليه ده

ومن عشرين او تلاتين سنه كان حالنا احسن من كده الف مره

قيادات ايه اللى نفسها تسعد من حولها

مين من القيادات دى حاسس بآلام الشعب ومشاكله؟

حد شاف ريس منهم راكب ميكرو باص

ولا بيوقف تاكسى علشان يحس بالزحمه ومشكلة المرور؟

حد فيهم اتبهدل فى قسم شرطه وخد على قفاه؟

حد فيهم اعتقلوا ابنه وحرموه من دخول الامتحان وضيعوا مستقبله؟

حد فيهم وقف فى طابور عيش وضرب ولا انضرب علشان يشترى رغيف؟
حد  منهم قعد على القهوة بالسنين علشان  مستنى وظيفه بسيطه؟

حد منهم  عانى من الواسطه والمحسوبيه والرشوه والروتين؟

حد منهم عايز يجوز ولاده فى شقه من اوضه وصاله ومش لاقى خرم ابره يلمه؟

حد منهم ساكن فى العشوائيات وبينام من غير عشا وبياكل من الزباله؟

وفى زمن العولمه والنت والتكنولوجيا والمحمول

لسه فيه ناس عايشه من غير ميه نظيفه ولا كهربا ولا مجارى ولاصرف صحى

ولا حياة لمن تنادى

انا مع سيادتك فى نقطتين

الاولى

ان كل واحد لازم يبدأ بنفسه ويصلح نفسه قبل ما يشتكى

التانيه

ان مصر فعلا مستهدفه من قوى خارجيه واعتقد اننا كلنا عارفنها

وهى الكيان الصهيونى

وهو السبب فى كثير من المشاكل الداخليه زى الفتن الطائفيه

بين المسلمين والاقباط وبين السنه والشيعه

ولكن

ومع انى ضد الاسلوب الساخر اللى كله تجريح وتلميح

لكن الناس مخنوقه يا باشمهندس وطهقانه وقرفانه وعلى أخرها

كلنا بنحب مصر

 ونعشق تراب مصر

لكن بالنسبه لقيادات مصر

أعتقد أن كلنا لنا رأى تانى غير رأى حضرتك

بس بجد فعلا

هو حضرتك بتتكلم بجد؟

تحياتى

د.هاله خاطر

 

 

 

 

ibrahim elfeky <Analyse-This@yahoo.com> wrote:

الاخ الكريم ابدأ بنفسك واصلح من حولك

وكفايه اسلوب التجريح والتلميح اللى لا بيحل ولا بيربط

اسأل نفسك او الاكبر منك من ثلاثين سنه كن عايشين ازاى

وتليفون المحمول والمصاريف والنت

انا لا اعرف سيادتك

ولكنه حديث الاب او الاخ الاكبر

وعشان كده انا بحب مصر وتراب مصر

وكل قيادات مصر

من محمد نجيب الى حسنى مبارك

لأن اى واحد فيهم نفسه يسعد من حوله

ولا يرغب ان يعيش فى قلق ولكن بلدنا مستهدفه

لأنها القياده والقدوه والعلم والمعرفه والتاريخ

والكل عارف لا نهضه لهذه الامه ولا كيان بدون مصر

فتنه طائفيه فشلت - فتنه بين اخونا المسيحين وتعيين بابا بواصطة امريكا فشلت - والمحاوله الجديده - اهل الكتاب والسنه - والشيعه وما يستجد من فتن وضغوت يحرق القمح والزرا ولايبيعه للدول الفقيره 

وهذا قدرنا  

الواحد منا لايسطيع يرضى كل ابنائه مع انه عايش عشان يسعدهم

 ارجوا ان الرياح المتربه دى تنتهى ولابد راح تنتهى مش انتهت رياح واحزان من اقبلها -  وننتج ونعمر - ونبنى ونزرع فسيله

يحصد انتجها ابنائنا واحفادنا

مهنس / ابراهيم موسى الفقى

Ahmed Yahia Abdel Rahman <Analyse-This@yahoo.com> wrote:

بقلم نوارة نجم. جبهة التهييس الشعبية

 

ها؟ ح تعمل ايه؟ احسن يا سبع الرجال...احسن يا حبيبي
بهدلتنا وذلتنا ووطيت راسنا وكسرت نفسنا وجوعتنا، كل ده عشان خاطر رضا الخواجة الامريكاني اللي انت راهنت عليه وبعتنا عشانه، واديهم هزأوك يا سبع الرجال، لو كانوا سندوا اللي قبلك كانوا يسندوك يا سبع الرجال، لو كانوا اشتروا اللي كان في ايران وللا في العراق كانوا اشتروك يا سبع الرجال: يقولوا لك بيع القطاع العام وشرد الغلابة تبيع
يقولوا لك ادهس البلد بالاستثمار الاجنبي الاستهلاكي تدهس
يقولوا لك اجهض النشاط الزراعي والصناعي واشتغل تصدير تجهض
يقولوا لك بيع يا لطفي تبيع يا لطفي
ليه يا لطفي؟ ليه الخيابة دي ده احنا غلابة وطيبين ومدمنين كلمة "الحمد لله احنا احسن من غيرنا" وبنرضى بقليلنا
كان جرا لك ايه لو راهنت علينا احنا ده احنا رهانا رخيص قوي: عيشة بشلن، فاكره الشلن يا سبع الرجال؟ تلاقيك نسيته ماهو ما بقاش موجود، هو شبه الجنيه المعدن بتاع دلوقت
كان حصل ايه لو كنت اتقيت ربنا فينا شوية صغيرين، ده احنا كنا شيلناك في عينينا وكنت استخبيت فينا، ح تستخبى فين دلوقت؟
انت ليه استهرت بذكائنا يا سبع الرجال؟ ليه استهيفتنا واستقليت بينا؟ ده احنا الحيطة المعدولة الوحيدة في الدنيا دي
همممم، اتخانقوا معاك على ايه؟ قالوا لك ح نجيب خدام احسن منك؟ وللا قالوا لك هي مش تكية عشان تسيبها ورث للمحروس؟
وللا انت فاكرنا داقين عصافير عشان نصدق التسميخ بتاع مصطفى بكري اللي عايز يطلعك صلاح الطين الاليوبي؟
اهو دايما ده كان عيبك، بتستغبانا، عيب عليك ده احنا عندنا سبعتلاف سنة، احنا طيبين آه، بنرضى بقليلنا آه، بس مش عشان اغبيا، لكن عشان دقت على راسنا طبول كتير وبقينا نعرف قيمة النعمة ولو قليلة ونسامح في اي مصيبة مهما كانت كبيرة عشان الدنيا تمشي، والا ماكناش عشنا لحد دلوقت، وانت ح تروح واحنا باقيين ليوم الدين
عارف يا سبع الرجال كان قبل اللي قبلك واحد عليه كل المآخذ اللي في الدنيا وعمل كل الاخطاء الفادحة اللي ممكن تتخيلها الا خطأ واحد بس وهو الخطأ اللي انت عملته انك استهنت بينا
عارف بقى الراجل ده، ما عملش حاجة غير انه جبر بخاطر الغلابة، بس، آه وربنا جبر بخاطرهم باقل القليل، بس احنا خاطرنا طيب وبيتجبر بسهولة، عارف بقى الناس كانت بتتعامل معاه ازاي؟ كانوا بيتعاملوا معاه زي الفلاحة الغلبانة اللي مهما جوزها يرنها علقة كل يوم تفضل تحبه عشان ده راجلها اللي فاتح بيتها
وهو ما عملش اكتر من كده، فتح بيوت الغلابة، والغلابة شالوها له، حتى لما جاب لهم الهزيمة والدنيا تكالبت عليه ما لقاش غير حضنهم المجروح يستخبى فيه، وطلع اذكى منك يا سبع الرجال، انا شخصيا ما اعرفش زعيم مهزوم فضل في كرسي الحكم برغبة الناس غيره
ولما مات اندفن في قلوبهم، عشان احنا كده، احنا زي طمينا يا سبع الرجال، اللي يرمي فيه بذرة تطرح بستان
بس انت جرفتنا زي ما جرفت طمي ارضنا ورحت تستصلح الصحرا بتاعة الخواجة الامريكاني
في عهدك يا سبع الرجال الناس انتحرت من قلة العيش
في عهدك يا سبع الرجال عينين المصريين انكسرت جوة بلدهم وبراها
كسرتنا وكسعمتنا وخلعت ضلوعنا من مكانها ومين ح يشيلك دلوقت؟ ح تعمل ايه يا مسيطنا؟
انا ح اعمل باصلي وانصحك نصيحة مخلصة لوجه الله تعالى: روح للامريكان اللي انت كنت فاكر انهم هم اللي ح يحافظوا لك على الكرسي وقول لهم حقكوا على راسي واللي تؤمروا بيه انا سداد، يمكن...جايز يرحموك ولو ان المكنة مالهاش قلب ترحم بيه يا سبع الرجال
ما تبصلناش..مش عشان احنا شمتانين فيك...لا، مش احنا، الا اذا كان فيه شوية منايفة بلدياتك وللا حاجة
بس عشان احنا اتكسحنا يا سبع الرجال، انت كسحتنا، مين ح يسندك؟
الامهات اللي باعت عيالها من الجوع؟ وللا الرجالة اللي بيدوروا على لقمة في كوم زبالة؟ وللا الموظفين اللي بيمدوا ايدهم شحاتة وسرقة عشان يكفوا البيت عيش ورز حاف؟ وللا الطبقة المتوسطة اللي بتشتغل خمستاشر ساعة عشان تسدد قسط العربية وقسط التلفزيون وقسط الدش وقسط المدارس وقسط التلاجة وقسط الشقة وقسط الغسالة؟ وللا الشباب اللي بيرمي نفسه في البحر عشان مش لاقي شغل ولا جواز؟ وللا مرضى الفشل الكلوي؟ وللا مرضى السرطان؟ وللا الاطفال اللي نايمة في الشارع؟ وللا اللي هجوا من البلد وبيسفوا التراب عشان لقمة العيش ومهما اتكنس بيهم زبالة الشارع ما يهوبوش ناحية السفارة المصرية من المر اللي بتسقيهولهم؟ وللا رجال الاعمال اللي سلمتهم رقبتنا عشان يمصوا منها دمنا ويوم ما دمنا ينشف ح يتفونا في المصرف ويدوروا لهم على فريسة تانية؟
لو سيدك اللي مشغلك، واللي عشانه عملت فينا ده كله رماك يا سبع الرجال ح تعمل ايه؟
كان بودنا نشيلك
بس مالناش دراعات نشيلك بيها
ربنا يتولاك ......
ويتولانا

Ahmed Yahia AbdelRahman

Fellow Stereotactic & Functional Neurosurgery

UBC

DHCC , Vancouver General Hospital
8105 - 2775 Laurel street

Vancouver BC,

V5Z 1M9

cell. +1 604 728 2387

Fax. +1 604 875 4882

---

To: Analyse_This_@yahoogroups.com
From: Analyse-This
Date: Mon, 19 May 2008 07:51:54 +0100
Subject: Re: [Analyse_This_] وقوع البلاء ولا إنتظاره

عارفه يا صابرين كلامك دا فاكرنى  مش عارفه ليه ؟!! بمشهد فى مسلسل بين القصريين كان بين هدى سلطان ( نينه) و صلاح السعدنى لما كان الإحتلال خلاص المفروض يسيب مصر كانت نينه بتقول لصلاح معقوله يابنى بعد ما عشرناهم و داخلوا بيوتنا نيجى نقولهم أخرجوا من البلد دا يا بنى حتى دى تبقى عيبه و العشره ما تهونش إلا على و لاد الحرام فساعتها رد صلاح السعدانى : قالها الله شوف الكلام كلام فى الهجايس بس عشان طالع من بق نينه بقى زى العســل !!!

heno882002
"د.هاله خاطر" <Analyse-This@yahoo.com> wrote:

كلامك يا صابرين فاكرنى بواحد قالى

الشعب المصرى ده فعلا شعب ناكر للجميل

قلت له ليه ؟

قالى ريسه مبارك

وابنه جمال

ورئيس الوزرا نظيف

 ورئيس مجلس الشعب سرور

 ووزير الماليه غالى

كل ده ومش حاسس بالامله اللى هو فيها

مش ده بطر على النعمه؟

بصى من الاخر انتى قلتيها جاى جاى

والنجفه هتقع هتقع

والعشره متهونش غير على ابن الحرام

وضربوا الاعور على عينه قال خسرانه خسرانه

بس فى الاخر انا مش عايزاكى تفرحى اوى

لانى مش مقتنعه ولا حاجه

ولا خفت من راسك الصعيديه الناشفه

هو بينى وبينك شوية يأس على إحباط على عكننه

وربنا يسترها معانا ومع ولادنا

لكن ارجع واقول الله يخرب بيتك يا محسن

SABRINA ABU ALI <Analyse-This@yahoo.com> wrote:

 

معلومه أحب أضيفها لحضراتكو علشان تعرفوا بالظبط نوعية المخ إللى بتتعاملو معاه وإنتوا بتكلمونى. أنا....صعيديه ، ودى حقيقه جينيه وراثيه لا يمكن تغييرها أو العبث معاهاحتى لو عشت فى باريس.

ودا يا ترى معناه إيه؟؟ معناه إنى بحب الكلمه الواحده ..آه=آه و لأ=لأ. ولو فى مشكله يبقا تتحل حل جذرى ونهائى ومن غير أنصاف حلول،بدل ما نعيد ونزيد فيها "نبطل رط فى الحديت ما دام مامينهوش عازه" بإختصار كدا نجيب من الآخر.

والآخر بالنسبه لى هو إنى عاوزه "جمااااال" يمسك بدل باباه،آه والله جد، وعن اقتناع تام كمان.ولو رشح نفسه هنتخبه ولو عملوا عليه استفتاء بردو هروح واقول "نعم". إزاى أخدت القرار ده فى يوم وليله مش عارفه؟!

وإزاى اتنازلت عن "فارس أحلامى" إللى هيخلصنا بسيفه؛؛بردو مش عارفه؟؟!!!..هى جت معايا كدا وركبت فى مخى الصعيدى بالشكل ده.

ولأنهم بيقولوا عنى "مُقنعه" ولو حبيت اقنع حد ان الخمر حلال هعملها –والله هم بيؤولوا كده مش أنا- وبُناءً عليه قررت اقنعكم وصدقونى هتقتنعوا.

أولاً نمشى بمبدأ "إللى نعرفه أحسن من إللى منعرفوش" ودا راجل معانا بقاله ييجى 50 سنه من وهو عيل صغير، وعارفين اصله وفصله مش لسه هنسأل ونطأس عليه. وكمان العائله الاربع أفراد دى خلاص شبعت، يعنى ان شاء الله مسيرهم يزهقوا ويسيبولنا الباقى ننقنق فيه.لسه هنجيب حد منعرفهوش وممكن يكون جعان اوى وكمان تطلع عيلته 30-40 نفر يخلصوا علينا، دا 4 أفراد عملوا فينا كدا يبقا لو أكتر ممكن يعملوا إيه؟؟!!!!

نيجى كمان لمبدأ ان "العشره ما تهونش غير على ولاد الحرام" يرضيكوا حد يقول علينا كدا؟؟؟ وكمان "أبو علاء" متعشم فينا جامد وميصحش نكسفه.دا والله وهو بيتكلم عن اسرته فى التليفزيون الدمعه كانت هتفر من عينى من التأثر وحسيت انه بيتكلم عن ناس قرايبى أوى. وقررت انى مكسرش بخاطره وأحقق عشمه فينا.

حد يطول واحد ابن ناس متعلم فى سويسرا وكمان معاه شهاده عسكريه واقتصادى ماهر وسياسى متودك وييجى منه وشكله مش بطال ومعندهوش كرش، وكمان مصاحب مليارديرات وهو نفسه كذلك.يعنى مش هيرضى يحكم شعب مستواه اقل من كدا،فأكيد هيقضى على الفقر والفقراء بحاجه من اتنين، يا ينغنغنا معاه يا يخلص علينا ويخلص وتعيش مصر أزهى عصورها الرأسماليه

وكمان فى حاجه مهمه؛إفرض-بعد الشر- إن إللى جه بعد كدا مكنش من الاسره المباركيه، نعمل إيه فى اسماء الشوارع والميادين والمحطات والمنشآت إللى كلها تحمل اسم "مبارك"؟؟؟؟ لسه هنسميها من جديد؟؟ ونغير الخرايط وممكن الناس تتلخبط وتتوه وتحس بالغربه جوا البلد،وممكن يطلع الجديد ده "حقودى" ويدمر كل حاجه تحمل الاسم ويبوظ لنا البلد وغرامه عالفاضى.وكمان ممكن مراته تلغى مشروع مكتبة الاسره وما ألاقيش حته اشترى منها كتب.

دا على المستوى الداخلى؛صحيح لسه عندى اسباب كتيييير بس كفايه كدا علشان ندخل فى الاسباب الخارجيه.

شوفتوا لبنان وإللى جرالها؟؟؟حاجه تحزن والله،بلد من غير رئيس ولا حد يحكمها لشهور وشهور ويا عالم لحد إمتى!!! متقطعه بين حزب الله واعوان سعد الحريرى والجيش، وعمالين يخربوها كل يوم ويقتلوا فى بعض، وكل ما ييجى يحددوا ميعاد اختيار رئيس،تيجى البومه بنت الغراب متصله بيهم من برا أو تطب عليهم زى القضاء المستعجل وتغير خططتهم.وزى ما بيقولو "اضرب المربوط يخاف السايب" أهى لبنان وفلسطين والعراق مربوطين وإحنا السايبين والكلام ليكى يا جاره.هنستنى لما يتعمل فينا كدا بعد الشر؟؟ يبقا لازم الراجل الكبير يحط حد مكانه ضرووورى وبسرعه جداً؛محدش ضامن عمره. دا مجرد اشاعه عن مرضه وقفت حال البلد وطفشت المستثمرين ووقعت البورصه ويمكن يكون عدد كبير من الوزراء والمسؤليين راح حضر شنطته علشان يخلع قبل ما تخرب بزياده.

أى بلد ملهاش حد يحكمها بتكون مطمع والعين علينا يا جماعه، دول الشرق الاوسط كلها خربانه والنار مقربه مننا، فلازم يكون لنا كبير بدل ما يجيبولنا كبير من برا.وانا وأخويا على ابن عمى وانا وابن عمى على الغريب.وارجع اقول لكم إللى نعرفه أحسن من يللى منعرفهوش.

هنقل بقا معاكو فى الكلام على حاجه تانيه خااالص، وهى إن وقوع البلاء أحسن 1000مره من إنتظاره؛أياً كان نوعه او اسمه سواء جمال أو علاء مش هتفرق، يعنى بدل ما كل يوم نعيد ونزيد نفس الكلام،فى توريث لأ مفيش،جمال جاى لأ مش جاى،ونعيش فى قلق وترقب طول الوقت.

شعور مش حلو وانت حاسس ان النجفه فوق راسك بتتمرجح وتشاور عقلها تقع ولا لأ، شدها وإخلص وزى ما تيجى بقا.يعنى بدل ما استنى البلاء واقعد منتظراه اجيبه بنفسى وارتاح وأهو وجع ساعه ولا كل ساعه.بدل ما احنا حاسين كدا ان فى شوكه فى ضهرنا لا عارفين نقعد ولا ننام ولا نرتاح منها.

وإنتوا عارفين وانا عارفه إنه "جاى جاى"،يبقا ييجى برضانا أحسن علشان نحافظ على ماء وجوهنا؛الناس دى فارشه لنفسها أرضيه جامده،حديد مسلح من عند "عز" إللى مش هيعزه عليهم،وخرسانه ولا بتاعة المنشآت النوويه

والأهم هو القاعده الشعبيه الفظيعه من أنصار الحزب الحاكم وفروعه من أمانة المرأه وجمعية جيل المستقبل فى كل المحافظات؛ ودول متعرفش معمول لهم غسيل مخ ولا إيه!!!بيدافعوا بإستماته عن كل ما يمس الكبار.بإختصار بحس انهم "دروع بشريه" وحوائط صدعملتها الحكومه من الشعب علشان بردو تحميها من الشعب.يعنى وقت اللزوم هيسلطوهم علينا ونقع فى بعض وهم يتفرجوا ويضحكوا من بعيد وتوصلهم مستويه على طبق من دهب من غير ما حد فيهم يلوث إيديه بدم العالم "البيئه" إللى بيحكموهم –إحنا يعنى- وتقريباً كل البلد أعضاء في الحزب من غير ما يعرفوا، ولو حبيت تطلع منه وتديهم الكارنيه تانى،يفضل يرجعلك وينط فى وشك زى الشريط بتاع احمد حلمى فى فيلم ظرف طارق،هيرجع ويخرشمك كمان لو فكرت ترميه تانى.

خدوا الكبيره بقا....السُلطه والنفوذ والمال لهم مفعول غريب وقوى جداً على كل النفوس البشريه وإوعوا تنكروا. إنت لو موظف واصل حبتين والله لتستغل سلطتك لمصلحتك ومصلحة ولادك،والأمر ما يسلمش من توصيه ولا كارت ولا تليفون لحد مهم. وإحنا عارفين كدا من قديم الازل وباين فى أمثالنا الشعبيه زى "يا بخت من كان النقيب خاله" ودا مجرد نقيب والتانى يا دوب ابن اخته بس هينفعه،فما بالكو بــ"رئيس الجمهوريه وابنه" دا مره جالنا مدير وانا فى اعدادى وبنته كانت معاه فى المدرسه،عمرى ما سمعت عنها ولا خدت اى ترتيب فجأه لقيتها الأولى على، بعد السنين دى كلها من إحتلالى للمركز ده تيجى بنت المدير وتاخد مكانى.صحيح شكيتهم وخليت أيامهم سوده وحاولت انتحر فى المدرسه لحد ما أخدت حقى،بس فضلت تطلع التانيه وانا كنت هتشل من الغيظ.ومشوا بالمقياس ده على كل حاجه...إللى له ضهر مينضربش على بطنه.

من كام يوم أخويا رد على التليفون ولما سأل "مين معايا؟" رد الطرف المتصل "أنا أبو علاء زميل باباك" طبعاً "مينو" مهرج كبير ،جرى على بابا وقاله "إلحق،أبو علاء بنفسه عاوزك،دا إنت وصلت وعديت ومحدش هيعرف يكلمك بعد كدا" وفضلنا نضحك ونهرج وكعادته قلب "جد" على فجأه وسأل سؤال غايه فى الأهميه:" بذمتك لو أبو علاء بجد صديق بابا،كانت ردوود أفعالنا تجاه حال البلد هيكون بنفس الشكل ده؟؟؟؟؟؟؟؟؟؟؟؟"

ومن غير تفكير قلت وبالفم المليان....."طبعاً لأ"،وقتها هيكون "أونكل" وأولاده هنؤول لهم "أبيه جمال وأبيه علاء" وزوجاتهم هيكونوا طنط وطبعاً كل الوزراء والأكابر هيكونوا أونكل وطنط لأن العلاقه بينهم زى شبكة المجارى والصرف الصحى والخطوط فاتحه على بعض.ومش بعيد كنا نروح نصيف سوا،وكان رقم تليفون أونكل وولاده تكون معايا وأكلمهم كل يوم أو أبعتلهم PLEASE CALL ME BACK  ومكنوش هيستخسروا حق المكالمه وكان زمان بابا وزير ومامتى رئيسة جمعيه نسائيه أو الروتارى، وأنا طبعاً مكنتش هكلمكم ولا أعبركم وابص لكم من "تراتيف" أنفى ولو حد فيكم اتكلم وحش عن "أونكل" أو "أبيه" كنت هبلغ عنه أونكل "مدير الأمن" شخصياً وأوديكم جوا الشمس مش وراها بس...وعلى رأى ماما لما تتريق على حد "جاتكوا القرف مليتو البلد".

السُلطه والنفوذ والفلوس...دول "سحر"،عالم تانى، وبلاش تتنرفز وتحكم من غير ما تجرب وتتحط على المحك وفى إختبار حقيقى،دا لو رقوك على زمايلك بتتنطط عليهم،فما بالك لو أكبر بقا. عارفين السُلطه زى النار إللى بيحرقوا فيها الدهب علشان يخلصوه من الشوائب والخبث إللى فيه، لو دهب حقيقى هيصمد ويطلع من النار بشكل أحسن مما دخل بيه (ودول الناس إللى بجد عندهم أصل ومبادئ ودين)، أما النحاس فهينصهر ويتحرق ويتغير شكله لدرجه تقرف تبص له حتى (ودول كلنا عارفينهم)، وفى الحاله دى هنعمل له "عملية تجميل" وياخد شكل يليق بالوضع الجديد وممكن ينقلب رأساً على عقب، وتكون الحكايه مش مجرد"تغيير أو تبديل" لااا دى هتكون"إنقلاب" تام وعارفين طبعاً إن التقلب والإنقلاب من طبع البشر....الأحياء  

وأكيد أنا مش بلمح ولا برمى كلام على إنقلاب الأموات وثورتهم على الأوضاع فى مسرحية "ثورة الموتى" بتاعة أروين شو، أرجوكم ما تفهامونيش غلط.

يعيش سيادة الريس وابن سيادة الريس

ها....إقتنعتوا ولا لسه؟؟ أكيد اقتنعتوا؛باين فى عيونكم، مش قلت لكم إنى "مُقنعه" ولو كنت اتدخلت فى قضية فلسطين كانت اتحلت من زماااان أوى....حظهم وحش إن "أنا" مش عندهم.

 

تحياتى وأطيب تمنياتى للجميع انهم يفضلوا أحياء بجد

المش مغروره ولا حاجه

Sabrina A.Ali 

 

 

JOIN US!!

 

Analyse This ! Yahoo Groups

 

 Analyse This ! Facebook  

---

Connect to the next generation of MSN Messenger  Get it now!

Send instant messages to your online friends http://uk.messenger.yahoo.com

---

السلام عليكم ورحمه الله وبركاته

مش عارف أرد على هذه الرساله إزاى ....

هاقول لحضرتك حاجه...وإعتبرنى أخ صغير لحضرتك...وإن كـِبر إبنك خاوييييه.

فى زمانا هذا قليل جدا من يشكـر فى الحكومه ورئيسها ...ورئيس رئيسها.

منذ عهد محمد نجيب...كان يوجد المؤيدين والمعارضين له...ثم الرئيس جمال وانور السادات كان أيضا ً يوجد المؤيدين والمعارضين لهم...إلى أن أتى الرئيس المبروك...رأينا أيضا كثير من المعارضين له وقليل جدا من المؤيدين له... أنا شايف إن سبب المعارضه إن هو ما بيحاسبش أحد وسايبها كده ماشيه...يعنى مثلا لو حاسب رئيس الوزراء حساب عسير لما يحدث ويخرج منه من اى شئ عن أى شئ ، كنت سوف تجد أن رئيس الوزراء سوف يحاسب جميع من بأسفله من قيادات ، وهؤلاء يحاسبو من تحتهم...وهكذا ، حتى نصل إلى أصغر عامل فى الدوله..وتلاقى الحياه حلوه وفيها رقابه ، واللى ما عندهوش ضمير، غصب عن عينه ُ هايخلى عنده حبة ضمير،،،

وفى مثل بيقول

" كنس السلم بيبدأ من أعلى " يعنى من أول الراس الكبيره.

وأنا مع كلام حضرتك تماما " إن بلدنا مستهدفه " بس حضرتك شايف إننا نستسلم لهذا الإستهداف ، ونقعد نضع إيدنا على خدنا ونتفرج من بعيد... ولا تلاقى كل واحد مننا من الشباب وأفراد الشعب بيكون جوااااااااه كـَبت رهيب وكلام عايزه يفجره فى أكبر راس فيكى يا بلد،،،ويقولهم إصحو بقى وفوقو من وهمـُكم...ولا نستنى إما نقول ( أُكـِلت يوم أن أُكل الثور الأبيض )

باشمهندس إبراهيم.... أنا مع حضرتك فى قول

إبدأ بنفسك ....وده فعلا المفروض هو اللى يحصل ، إن كل واحد مننا يبدأ بالتغير من نفسه ، وده اللى هايصلح حال الأمه كلها.

---

To: Analyse_This_@yahoogroups.com
From: Analyse-This
Date: Mon, 2 Jun 2008 23:51:56 -0700
Subject: Re: [Analyse_This_] سبع الرجال

وعليكم السلام ورحمة الله وبركاته

كنت اود ان لا اعقب على اى كتاب سياسيه

وخاصه اسلوب التجريح والتلويح والسب والقذف

اولا : مخاطبة الاباء لها اداب ولوعلمتم ما تحملناه على مدى السنين

    لكى نقوم بواجبنا نحو اولادنا لكى يتعلمواويتأدبو ا فى فى مخاطبة الكبار

اسوة برسول الله الذى قال له القرآن لو كنت فظا غليظ القلب لانفضو من حولك

وانك لعل خلق عظيم - وقول رسول الله جيئت لكمل مكارم الاخلاق

وقولى هذا للمهندس الصغير عبد الرحمن - اولا انا خريج كلية الهندسه جامع عين شمس

من اربعين عام ايام العمالقه من اساتذه وطلاب ذهبت مع ابى الى لجنة تصفية الاقطاع

رغم انه لايملك الا خمسة افدنه - وسعيت وشكوت الى الرئيس عبد الناصر واخذت حقى

وفى 67 كنت مع شباب الجامعة ادافع عن السويس

وفى 73 كنت جندى فى حرب الكرامه ورد الاعتبار

ولذلت اعمل رغم بلوغى الستين لأعلم باقى ابنائى

بالسعى والأدب - والحب والاحترام

وليس بالجلوس على النت وسب الآخرين

اولا واخيرا جيلنا لم يقصر - بل سعى كما سعت ستنا هاجر لتسقى ابنها مع ان الله سيخرج

الماء وليس قدم الرضيع - وانا اسأل ما هو سعيك انت ! ؟

 انا آسف للئطالة - واشكركم على سعة صدركم مع تقديرى للدكتوره هاله

واقول لها هل قصر جيلك وجيل زوجك كنت اود ان ترى على المهنس الصغير

الذى اتمنى له ولامثاله الهدايه والدراسة العلميه للامور والرجوع للكبار

وانا على استعداد للسعى له للعمل لو ارسل لى السيرة الذاتيه

نسع للعمل والكسب - ورد الجميل للاباء

ولا ينسى قول رسول الله الخير فى وفى امتى الى يوم القيامه  

واكتفى بقول الحكماء كن كالنخيل عن الاحقاد مرتفعا ترمى 

بحجر فتعطى اطيب الثمر 

مهندس ابراهيم موسى الفقى

"Eng. Abd El-Rhman Shatou" <Analyse-This@yahoo.com> wrote:

السلام عليكم

تعقيبا على كلام المهندس/ ابراهيم الفقى

للاسف الشديد هاضطر اقولها ولاول مره

ان جيل حضرتك هو سبب "المخمضة" اللى احنا فيها

أى نعم وللأسف الشديد اقولها ولاول مرة

ان قيادات مصر (من اول السيد محمد نجيب اللى اصلا ملحقش يعمل حاجه عشان نشكره عليها وده مش هجوم عليه لكن حقيقه) هى أحد اسباب النكبة

عزيزى المهندس ابراهيم

بناء على كلام حضرتك واضح انك خبرة هندسية لاتقل عن 20 عاما (مثلا؟)..

وانا اصلا يا عينى مهندس صغير خبرة سنتين

دلوقتى الكلام اللى هقوله يمكن ميكونش واضح غير للمهندسين اللى زينا
لكن اللى احبه اقوله هو الاتى:

1. الجامعة اللى انا متخرج منها جامعة عين شمس بتخرج كل سنه 2000 مهندس

(دى جامعة عين شمس لوحدها)

ولكن للاسف العدد الفعلى للمهندسين فيهم هو 100 واكيد حضرتك حاسس بكده باعتبار حضرتك دلوقتى فى وضع مهندس استشارى او leader

على مشروع وتحت ايدك شباب زى

(انا خريج 2006 كهرباء بور بتقدير امتياز مع مرتبة الشرف)

2. السبب فى التخلف العلمى هو سبب قيادات الحكم الحالية

اقول لحضرتك ازاى؟ لما يكون اللى ماسكنا شخص دخل الكلية الحربية بتقدير 50% فده اكيد

معناه انه احد الطلبة اللى بنشوفهم فى الفصل مشاغبين ومش بيذاكروا وبيستحموا فى الترعة

وبالتالى لا تعليم ولا علم (اللى هو حاليا بيرفع له شعارات كثيره) كان فى دماغه من الاساس

حضرتك عارف وانا عارف ان مصر متخلفة

تكنولوجياً

والسبب المهندسين اللى هما احنا وحضرتك معانا طبعا لان التخلف مش بيصيب جيل ويترك الاجيال الباقية لحالها

3. فى الوقت اللى المفروض يكون فيه مهندسين مصر بيقوموا بنهضتها فى بداية عصر الرئيس مبارك (اللى حضرتك بتكن له كامل احترامك) فى التمانينات كان المهندسين بيطفشوا من البلد وبيسافروا على الخليج وقليل على امريكا

وياترى ليه عملوه كده وانا متاكد ان حضرتك واحد منهم؟

ياما هما مهندسين

اندال

او مهندسين بيبحثوا عن لقمة العيش

طب ليه مشوفهاش فى بلدهم؟؟

السبب بسيط

لان عصر الكبير مبارك كان عصر مهبب يطفش اى مهندس بيحاول يعيش اهله بصورة كريمة

والوضع مستمر

4. ياترى يا باشمهندس ابراهيم حضرتك مسافرتش خالص بره مصر للعمل؟؟

اعتقد انك سافرت طب ياترى لو مكنتش سافرت كان زمانك ماكل ولادك وزوجتك ومعيشهم حياة مناسبة؟

ولازمانك بتستلف من قرايبك واهلك وانت ذليل؟!!

 

واخيرا وليس اخرا

إذا كان الجيل اللى قلبلنا سكت على المهانة والفساد مدعيا انه بيحاول يصلح ويبدأ من نفسه

فارجوا حضرتك بما انك من هذا الجيل ان تقف بجانب جيلنا بكلمة حق او تظل ساكتا مثل ملايين من جيلكم ساكت لا يحرك ساكنا.....

 

تعقيبا على كلام الدكتوره هالة

ده تقريبا اول تعليق ليا على كلام حضرتك اللى بستمتع بقرايته حضرتك واعضاء اخرين

(ومنهم الباشمهندس ابراهيم ليكون زعل منى)

انا فاكر موضوع لو كنت الريس هاعمل ايه

ومن زمان نفسى اقول هاعمل ايه

اقعدت افكر كتير جدا والله وحبتش استعجل فى الرد

ورجعت للدين بتاعنا وقريت عن حياة الرسول عليه الصلاة والسلام

قبل ما يتم اختياره من الرفيق الأعلى ليكون نور لينا

تعرفى يادكتوره اتفاجات بحاجه جميله جدا جدا

ان الرسول عليه الصلاة والسلام كان همه الاول والاخير هو سعادة البشر كلهم

بدون استثناء بدون حتى ما ينزل الوحى عليه

بجد

بجد

بجد

سعادة البشر

ممممممممممممممم

اقعدت افكر طب لو بقيت الريس ونفسى امشى على خطا الرسول اعمل ايه؟؟؟

لاقتها سهله جدا مش محتاجه تعقيد

اخلى المصريين كلهم بيضحكوا...!!!

اه والله

تعالى حضرتك نشوف مثلا طبقا المجتمع ومهنهم

1. الطبيب

2. المهندس

3. المحامى

4. الاديب

5. رجل الدين

6. التجارى

7. الاعلامى

8. الفنان

9. السباك

10. الكهربائى

11. عامل التنظيف

12. الفراش

وكتير وكتير والقائمة لاتستهدف ترتيب معين كلنا اما الله سواء

طيب انا لو بقيت الريس هابقى عايز ابسط الدكتور

يبقى هوفرله مستشفيات محترمة وادامية ومرتب كفيل بان يعيشه حياة كريمة

ومش بس كده لان الطبيب بصفته صاحب علم هوفر كل سبل العلم له عشان يطور ويطور نفسه

طيب لو بقيت الريس هابسط السباك ازى؟؟

هاوفرله تعليم فنى وصناعى حقيقى على مستوى عالى فى نفس مستوى الجامعة بالظبط

واخليه يحترم مهنته وبالتالى المجتمع يحترمه

 هاوفرله دخل ثابت محترم عشان يكفل لاسرته الحياة الكريمة

والبقية تاتى على الجميع

قابلتنى مشكلتين اول حاجه:

طب هاجيب منين فلوس اعمل كل ده؟؟؟

مممممممممممممم

1. ارفع قيمة تصدير الغاز الطبيعى المصدر لاسرائيل مقابل 75 سنت

لكل مليون وحده حرارية ل 5 دولار

2. اخلى ايرادات قناة السويس ملك للشعب مش لولادى وليا ولمراتى نتفسح بيهم

فى اوربا وخلافة تحت مسمى الحرس الجمهورى

3. استغلال موارد البلد الطبيعية بهدف توفيرها للناس الاغنياء والفقرا قبلهم وطظ فى التصدير عننا ما صدرنا المهم الناس تعيش مبسوطه...

وحلول تانيه احنا مش هنغلب يعنى ومحناش حرامية زى الحكومة اللى سرقتنا هيا والتجار من كام اسبوع....

طب والمشكلة التانيه؟؟؟

المشكلة التانيه دى جتلى بعد تفكير عميق الا وهو طب فرضا فرضا

لقينا طلب لمواطن ولابلاش مواطن دى مش بحبها لاقينا واحد اللى هيبسطه هيأذى غيره

يعنى مثلا محامى يبقى همه البلد تتملى قضايا مخدرات عشان يكسب طب ما ده هيضر باقى المجتمع طب اعمل ايه عشان احل المشكله دى؟؟؟

فكرت ولاقيت الحل بسيط

هنحط حاجه كده هنسميها "قوانين" تمنع اى تعارض بين حقوق الناس بينها وبين بعضها فى "السعادة" اللى بتكلم عليهم

طب اعمل ايه؟؟ مينفعش اعمل انا القوانين دى تحت مسمى "مجلس الشعب" ولا اخلى مراتى تحط القوانين دى تحت مسمى "مجلس الشورى" ولا ابنى تحت مسمى "قرارات جمهورية" ومينفعش

فى نفس الوقت اخلى كل صاحب مهنه يحط القانون على مزاجه

لانه وده طبيعة البشر هيشوف مصلحته

طب ايه القانون اللى لايمكن تدخل فيه اهواء البشر

هو بكل بساطه قانون ربنا قانون

الدين

ده احسن قانون يادكتوره هالة مفيهوش اخطاء لانه وضعه ربنا سبحانه وتعالى المنزه عن الاخطاء

بس الحل اهو:

الهدف الرئيس: كل المصريين بيضحكوا

الوسيلة: نشر الدين الحقيقى بين الناس ونبطل ننشر بينا وبين بعض ان الفكر الصهيونى هو السبب العيب فينا احنا (ده موضوع تانى اتكلم فيه بعدين).ز

 

 

تحياتى

"د.هاله خاطر" <Analyse-This@yahoo.com> wrote:

السلام عليكم ورحمة الله وبركاته

استفسار صغير من المهندس ابراهيم الفقى

هو حضرتك بتتكلم بجد؟

اصل انا من الجيل اللى حضرتك بتتكلم عليه ده

ومن عشرين او تلاتين سنه كان حالنا احسن من كده الف مره

قيادات ايه اللى نفسها تسعد من حولها

مين من القيادات دى حاسس بآلام الشعب ومشاكله؟

حد شاف ريس منهم راكب ميكرو باص

ولا بيوقف تاكسى علشان يحس بالزحمه ومشكلة المرور؟

حد فيهم اتبهدل فى قسم شرطه وخد على قفاه؟

حد فيهم اعتقلوا ابنه وحرموه من دخول الامتحان وضيعوا مستقبله؟

حد فيهم وقف فى طابور عيش وضرب ولا انضرب علشان يشترى رغيف؟
حد  منهم قعد على القهوة بالسنين علشان  مستنى وظيفه بسيطه؟

حد منهم  عانى من الواسطه والمحسوبيه والرشوه والروتين؟

حد منهم عايز يجوز ولاده فى شقه من اوضه وصاله ومش لاقى خرم ابره يلمه؟

حد منهم ساكن فى العشوائيات وبينام من غير عشا وبياكل من الزباله؟

وفى زمن العولمه والنت والتكنولوجيا والمحمول

لسه فيه ناس عايشه من غير ميه نظيفه ولا كهربا ولا مجارى ولاصرف صحى

ولا حياة لمن تنادى

انا مع سيادتك فى نقطتين

الاولى

ان كل واحد لازم يبدأ بنفسه ويصلح نفسه قبل ما يشتكى

التانيه

ان مصر فعلا مستهدفه من قوى خارجيه واعتقد اننا كلنا عارفنها

وهى الكيان الصهيونى

وهو السبب فى كثير من المشاكل الداخليه زى الفتن الطائفيه

بين المسلمين والاقباط وبين السنه والشيعه

ولكن

ومع انى ضد الاسلوب الساخر اللى كله تجريح وتلميح

لكن الناس مخنوقه يا باشمهندس وطهقانه وقرفانه وعلى أخرها

كلنا بنحب مصر

 ونعشق تراب مصر

لكن بالنسبه لقيادات مصر

أعتقد أن كلنا لنا رأى تانى غير رأى حضرتك

بس بجد فعلا

هو حضرتك بتتكلم بجد؟

تحياتى

د.هاله خاطر

 

 

 

 

ibrahim elfeky <Analyse-This@yahoo.com> wrote:

الاخ الكريم ابدأ بنفسك واصلح من حولك

وكفايه اسلوب التجريح والتلميح اللى لا بيحل ولا بيربط

اسأل نفسك او الاكبر منك من ثلاثين سنه كن عايشين ازاى

وتليفون المحمول والمصاريف والنت

انا لا اعرف سيادتك

ولكنه حديث الاب او الاخ الاكبر

وعشان كده انا بحب مصر وتراب مصر

وكل قيادات مصر

من محمد نجيب الى حسنى مبارك

لأن اى واحد فيهم نفسه يسعد من حوله

ولا يرغب ان يعيش فى قلق ولكن بلدنا مستهدفه

لأنها القياده والقدوه والعلم والمعرفه والتاريخ

والكل عارف لا نهضه لهذه الامه ولا كيان بدون مصر

فتنه طائفيه فشلت - فتنه بين اخونا المسيحين وتعيين بابا بواصطة امريكا فشلت - والمحاوله الجديده - اهل الكتاب والسنه - والشيعه وما يستجد من فتن وضغوت يحرق القمح والزرا ولايبيعه للدول الفقيره 

وهذا قدرنا  

الواحد منا لايسطيع يرضى كل ابنائه مع انه عايش عشان يسعدهم

 ارجوا ان الرياح المتربه دى تنتهى ولابد راح تنتهى مش انتهت رياح واحزان من اقبلها -  وننتج ونعمر - ونبنى ونزرع فسيله

يحصد انتجها ابنائنا واحفادنا

مهنس / ابراهيم موسى الفقى

Ahmed Yahia Abdel Rahman <Analyse-This@yahoo.com> wrote:

بقلم نوارة نجم. جبهة التهييس الشعبية

 

ها؟ ح تعمل ايه؟ احسن يا سبع الرجال...احسن يا حبيبي
بهدلتنا وذلتنا ووطيت راسنا وكسرت نفسنا وجوعتنا، كل ده عشان خاطر رضا الخواجة الامريكاني اللي انت راهنت عليه وبعتنا عشانه، واديهم هزأوك يا سبع الرجال، لو كانوا سندوا اللي قبلك كانوا يسندوك يا سبع الرجال، لو كانوا اشتروا اللي كان في ايران وللا في العراق كانوا اشتروك يا سبع الرجال: يقولوا لك بيع القطاع العام وشرد الغلابة تبيع
يقولوا لك ادهس البلد بالاستثمار الاجنبي الاستهلاكي تدهس
يقولوا لك اجهض النشاط الزراعي والصناعي واشتغل تصدير تجهض
يقولوا لك بيع يا لطفي تبيع يا لطفي
ليه يا لطفي؟ ليه الخيابة دي ده احنا غلابة وطيبين ومدمنين كلمة "الحمد لله احنا احسن من غيرنا" وبنرضى بقليلنا
كان جرا لك ايه لو راهنت علينا احنا ده احنا رهانا رخيص قوي: عيشة بشلن، فاكره الشلن يا سبع الرجال؟ تلاقيك نسيته ماهو ما بقاش موجود، هو شبه الجنيه المعدن بتاع دلوقت
كان حصل ايه لو كنت اتقيت ربنا فينا شوية صغيرين، ده احنا كنا شيلناك في عينينا وكنت استخبيت فينا، ح تستخبى فين دلوقت؟
انت ليه استهرت بذكائنا يا سبع الرجال؟ ليه استهيفتنا واستقليت بينا؟ ده احنا الحيطة المعدولة الوحيدة في الدنيا دي
همممم، اتخانقوا معاك على ايه؟ قالوا لك ح نجيب خدام احسن منك؟ وللا قالوا لك هي مش تكية عشان تسيبها ورث للمحروس؟
وللا انت فاكرنا داقين عصافير عشان نصدق التسميخ بتاع مصطفى بكري اللي عايز يطلعك صلاح الطين الاليوبي؟
اهو دايما ده كان عيبك، بتستغبانا، عيب عليك ده احنا عندنا سبعتلاف سنة، احنا طيبين آه، بنرضى بقليلنا آه، بس مش عشان اغبيا، لكن عشان دقت على راسنا طبول كتير وبقينا نعرف قيمة النعمة ولو قليلة ونسامح في اي مصيبة مهما كانت كبيرة عشان الدنيا تمشي، والا ماكناش عشنا لحد دلوقت، وانت ح تروح واحنا باقيين ليوم الدين
عارف يا سبع الرجال كان قبل اللي قبلك واحد عليه كل المآخذ اللي في الدنيا وعمل كل الاخطاء الفادحة اللي ممكن تتخيلها الا خطأ واحد بس وهو الخطأ اللي انت عملته انك استهنت بينا
عارف بقى الراجل ده، ما عملش حاجة غير انه جبر بخاطر الغلابة، بس، آه وربنا جبر بخاطرهم باقل القليل، بس احنا خاطرنا طيب وبيتجبر بسهولة، عارف بقى الناس كانت بتتعامل معاه ازاي؟ كانوا بيتعاملوا معاه زي الفلاحة الغلبانة اللي مهما جوزها يرنها علقة كل يوم تفضل تحبه عشان ده راجلها اللي فاتح بيتها
وهو ما عملش اكتر من كده، فتح بيوت الغلابة، والغلابة شالوها له، حتى لما جاب لهم الهزيمة والدنيا تكالبت عليه ما لقاش غير حضنهم المجروح يستخبى فيه، وطلع اذكى منك يا سبع الرجال، انا شخصيا ما اعرفش زعيم مهزوم فضل في كرسي الحكم برغبة الناس غيره
ولما مات اندفن في قلوبهم، عشان احنا كده، احنا زي طمينا يا سبع الرجال، اللي يرمي فيه بذرة تطرح بستان
بس انت جرفتنا زي ما جرفت طمي ارضنا ورحت تستصلح الصحرا بتاعة الخواجة الامريكاني
في عهدك يا سبع الرجال الناس انتحرت من قلة العيش
في عهدك يا سبع الرجال عينين المصريين انكسرت جوة بلدهم وبراها
كسرتنا وكسعمتنا وخلعت ضلوعنا من مكانها ومين ح يشيلك دلوقت؟ ح تعمل ايه يا مسيطنا؟
انا ح اعمل باصلي وانصحك نصيحة مخلصة لوجه الله تعالى: روح للامريكان اللي انت كنت فاكر انهم هم اللي ح يحافظوا لك على الكرسي وقول لهم حقكوا على راسي واللي تؤمروا بيه انا سداد، يمكن...جايز يرحموك ولو ان المكنة مالهاش قلب ترحم بيه يا سبع الرجال
ما تبصلناش..مش عشان احنا شمتانين فيك...لا، مش احنا، الا اذا كان فيه شوية منايفة بلدياتك وللا حاجة
بس عشان احنا اتكسحنا يا سبع الرجال، انت كسحتنا، مين ح يسندك؟
الامهات اللي باعت عيالها من الجوع؟ وللا الرجالة اللي بيدوروا على لقمة في كوم زبالة؟ وللا الموظفين اللي بيمدوا ايدهم شحاتة وسرقة عشان يكفوا البيت عيش ورز حاف؟ وللا الطبقة المتوسطة اللي بتشتغل خمستاشر ساعة عشان تسدد قسط العربية وقسط التلفزيون وقسط الدش وقسط المدارس وقسط التلاجة وقسط الشقة وقسط الغسالة؟ وللا الشباب اللي بيرمي نفسه في البحر عشان مش لاقي شغل ولا جواز؟ وللا مرضى الفشل الكلوي؟ وللا مرضى السرطان؟ وللا الاطفال اللي نايمة في الشارع؟ وللا اللي هجوا من البلد وبيسفوا التراب عشان لقمة العيش ومهما اتكنس بيهم زبالة الشارع ما يهوبوش ناحية السفارة المصرية من المر اللي بتسقيهولهم؟ وللا رجال الاعمال اللي سلمتهم رقبتنا عشان يمصوا منها دمنا ويوم ما دمنا ينشف ح يتفونا في المصرف ويدوروا لهم على فريسة تانية؟
لو سيدك اللي مشغلك، واللي عشانه عملت فينا ده كله رماك يا سبع الرجال ح تعمل ايه؟
كان بودنا نشيلك
بس مالناش دراعات نشيلك بيها
ربنا يتولاك ......
ويتولانا

Ahmed Yahia AbdelRahman

Fellow Stereotactic & Functional Neurosurgery

UBC

DHCC , Vancouver General Hospital
8105 - 2775 Laurel street

Vancouver BC,

V5Z 1M9

cell. +1 604 728 2387

Fax. +1 604 875 4882

---

To: Analyse_This_@yahoogroups.com
From: Analyse-This
Date: Mon, 19 May 2008 07:51:54 +0100
Subject: Re: [Analyse_This_] وقوع البلاء ولا إنتظاره

عارفه يا صابرين كلامك دا فاكرنى  مش عارفه ليه ؟!! بمشهد فى مسلسل بين القصريين كان بين هدى سلطان ( نينه) و صلاح السعدنى لما كان الإحتلال خلاص المفروض يسيب مصر كانت نينه بتقول لصلاح معقوله يابنى بعد ما عشرناهم و داخلوا بيوتنا نيجى نقولهم أخرجوا من البلد دا يا بنى حتى دى تبقى عيبه و العشره ما تهونش إلا على و لاد الحرام فساعتها رد صلاح السعدانى : قالها الله شوف الكلام كلام فى الهجايس بس عشان طالع من بق نينه بقى زى العســل !!!

heno882002
"د.هاله خاطر" <Analyse-This@yahoo.com> wrote:

كلامك يا صابرين فاكرنى بواحد قالى

الشعب المصرى ده فعلا شعب ناكر للجميل

قلت له ليه ؟

قالى ريسه مبارك

وابنه جمال

ورئيس الوزرا نظيف

 ورئيس مجلس الشعب سرور

 ووزير الماليه غالى

كل ده ومش حاسس بالامله اللى هو فيها

مش ده بطر على النعمه؟

بصى من الاخر انتى قلتيها جاى جاى

والنجفه هتقع هتقع

والعشره متهونش غير على ابن الحرام

وضربوا الاعور على عينه قال خسرانه خسرانه

بس فى الاخر انا مش عايزاكى تفرحى اوى

لانى مش مقتنعه ولا حاجه

ولا خفت من راسك الصعيديه الناشفه

هو بينى وبينك شوية يأس على إحباط على عكننه

وربنا يسترها معانا ومع ولادنا

لكن ارجع واقول الله يخرب بيتك يا محسن

SABRINA ABU ALI <Analyse-This@yahoo.com> wrote:

 

معلومه أحب أضيفها لحضراتكو علشان تعرفوا بالظبط نوعية المخ إللى بتتعاملو معاه وإنتوا بتكلمونى. أنا....صعيديه ، ودى حقيقه جينيه وراثيه لا يمكن تغييرها أو العبث معاهاحتى لو عشت فى باريس.

ودا يا ترى معناه إيه؟؟ معناه إنى بحب الكلمه الواحده ..آه=آه و لأ=لأ. ولو فى مشكله يبقا تتحل حل جذرى ونهائى ومن غير أنصاف حلول،بدل ما نعيد ونزيد فيها "نبطل رط فى الحديت ما دام مامينهوش عازه" بإختصار كدا نجيب من الآخر.

والآخر بالنسبه لى هو إنى عاوزه "جمااااال" يمسك بدل باباه،آه والله جد، وعن اقتناع تام كمان.ولو رشح نفسه هنتخبه ولو عملوا عليه استفتاء بردو هروح واقول "نعم". إزاى أخدت القرار ده فى يوم وليله مش عارفه؟!

وإزاى اتنازلت عن "فارس أحلامى" إللى هيخلصنا بسيفه؛؛بردو مش عارفه؟؟!!!..هى جت معايا كدا وركبت فى مخى الصعيدى بالشكل ده.

ولأنهم بيقولوا عنى "مُقنعه" ولو حبيت اقنع حد ان الخمر حلال هعملها –والله هم بيؤولوا كده مش أنا- وبُناءً عليه قررت اقنعكم وصدقونى هتقتنعوا.

أولاً نمشى بمبدأ "إللى نعرفه أحسن من إللى منعرفوش" ودا راجل معانا بقاله ييجى 50 سنه من وهو عيل صغير، وعارفين اصله وفصله مش لسه هنسأل ونطأس عليه. وكمان العائله الاربع أفراد دى خلاص شبعت، يعنى ان شاء الله مسيرهم يزهقوا ويسيبولنا الباقى ننقنق فيه.لسه هنجيب حد منعرفهوش وممكن يكون جعان اوى وكمان تطلع عيلته 30-40 نفر يخلصوا علينا، دا 4 أفراد عملوا فينا كدا يبقا لو أكتر ممكن يعملوا إيه؟؟!!!!

نيجى كمان لمبدأ ان "العشره ما تهونش غير على ولاد الحرام" يرضيكوا حد يقول علينا كدا؟؟؟ وكمان "أبو علاء" متعشم فينا جامد وميصحش نكسفه.دا والله وهو بيتكلم عن اسرته فى التليفزيون الدمعه كانت هتفر من عينى من التأثر وحسيت انه بيتكلم عن ناس قرايبى أوى. وقررت انى مكسرش بخاطره وأحقق عشمه فينا.

حد يطول واحد ابن ناس متعلم فى سويسرا وكمان معاه شهاده عسكريه واقتصادى ماهر وسياسى متودك وييجى منه وشكله مش بطال ومعندهوش كرش، وكمان مصاحب مليارديرات وهو نفسه كذلك.يعنى مش هيرضى يحكم شعب مستواه اقل من كدا،فأكيد هيقضى على الفقر والفقراء بحاجه من اتنين، يا ينغنغنا معاه يا يخلص علينا ويخلص وتعيش مصر أزهى عصورها الرأسماليه

وكمان فى حاجه مهمه؛إفرض-بعد الشر- إن إللى جه بعد كدا مكنش من الاسره المباركيه، نعمل إيه فى اسماء الشوارع والميادين والمحطات والمنشآت إللى كلها تحمل اسم "مبارك"؟؟؟؟ لسه هنسميها من جديد؟؟ ونغير الخرايط وممكن الناس تتلخبط وتتوه وتحس بالغربه جوا البلد،وممكن يطلع الجديد ده "حقودى" ويدمر كل حاجه تحمل الاسم ويبوظ لنا البلد وغرامه عالفاضى.وكمان ممكن مراته تلغى مشروع مكتبة الاسره وما ألاقيش حته اشترى منها كتب.

دا على المستوى الداخلى؛صحيح لسه عندى اسباب كتيييير بس كفايه كدا علشان ندخل فى الاسباب الخارجيه.

شوفتوا لبنان وإللى جرالها؟؟؟حاجه تحزن والله،بلد من غير رئيس ولا حد يحكمها لشهور وشهور ويا عالم لحد إمتى!!! متقطعه بين حزب الله واعوان سعد الحريرى والجيش، وعمالين يخربوها كل يوم ويقتلوا فى بعض، وكل ما ييجى يحددوا ميعاد اختيار رئيس،تيجى البومه بنت الغراب متصله بيهم من برا أو تطب عليهم زى القضاء المستعجل وتغير خططتهم.وزى ما بيقولو "اضرب المربوط يخاف السايب" أهى لبنان وفلسطين والعراق مربوطين وإحنا السايبين والكلام ليكى يا جاره.هنستنى لما يتعمل فينا كدا بعد الشر؟؟ يبقا لازم الراجل الكبير يحط حد مكانه ضرووورى وبسرعه جداً؛محدش ضامن عمره. دا مجرد اشاعه عن مرضه وقفت حال البلد وطفشت المستثمرين ووقعت البورصه ويمكن يكون عدد كبير من الوزراء والمسؤليين راح حضر شنطته علشان يخلع قبل ما تخرب بزياده.

أى بلد ملهاش حد يحكمها بتكون مطمع والعين علينا يا جماعه، دول الشرق الاوسط كلها خربانه والنار مقربه مننا، فلازم يكون لنا كبير بدل ما يجيبولنا كبير من برا.وانا وأخويا على ابن عمى وانا وابن عمى على الغريب.وارجع اقول لكم إللى نعرفه أحسن من يللى منعرفهوش.

هنقل بقا معاكو فى الكلام على حاجه تانيه خااالص، وهى إن وقوع البلاء أحسن 1000مره من إنتظاره؛أياً كان نوعه او اسمه سواء جمال أو علاء مش هتفرق، يعنى بدل ما كل يوم نعيد ونزيد نفس الكلام،فى توريث لأ مفيش،جمال جاى لأ مش جاى،ونعيش فى قلق وترقب طول الوقت.

شعور مش حلو وانت حاسس ان النجفه فوق راسك بتتمرجح وتشاور عقلها تقع ولا لأ، شدها وإخلص وزى ما تيجى بقا.يعنى بدل ما استنى البلاء واقعد منتظراه اجيبه بنفسى وارتاح وأهو وجع ساعه ولا كل ساعه.بدل ما احنا حاسين كدا ان فى شوكه فى ضهرنا لا عارفين نقعد ولا ننام ولا نرتاح منها.

وإنتوا عارفين وانا عارفه إنه "جاى جاى"،يبقا ييجى برضانا أحسن علشان نحافظ على ماء وجوهنا؛الناس دى فارشه لنفسها أرضيه جامده،حديد مسلح من عند "عز" إللى مش هيعزه عليهم،وخرسانه ولا بتاعة المنشآت النوويه

والأهم هو القاعده الشعبيه الفظيعه من أنصار الحزب الحاكم وفروعه من أمانة المرأه وجمعية جيل المستقبل فى كل المحافظات؛ ودول متعرفش معمول لهم غسيل مخ ولا إيه!!!بيدافعوا بإستماته عن كل ما يمس الكبار.بإختصار بحس انهم "دروع بشريه" وحوائط صدعملتها الحكومه من الشعب علشان بردو تحميها من الشعب.يعنى وقت اللزوم هيسلطوهم علينا ونقع فى بعض وهم يتفرجوا ويضحكوا من بعيد وتوصلهم مستويه على طبق من دهب من غير ما حد فيهم يلوث إيديه بدم العالم "البيئه" إللى بيحكموهم –إحنا يعنى- وتقريباً كل البلد أعضاء في الحزب من غير ما يعرفوا، ولو حبيت تطلع منه وتديهم الكارنيه تانى،يفضل يرجعلك وينط فى وشك زى الشريط بتاع احمد حلمى فى فيلم ظرف طارق،هيرجع ويخرشمك كمان لو فكرت ترميه تانى.

خدوا الكبيره بقا....السُلطه والنفوذ والمال لهم مفعول غريب وقوى جداً على كل النفوس البشريه وإوعوا تنكروا. إنت لو موظف واصل حبتين والله لتستغل سلطتك لمصلحتك ومصلحة ولادك،والأمر ما يسلمش من توصيه ولا كارت ولا تليفون لحد مهم. وإحنا عارفين كدا من قديم الازل وباين فى أمثالنا الشعبيه زى "يا بخت من كان النقيب خاله" ودا مجرد نقيب والتانى يا دوب ابن اخته بس هينفعه،فما بالكو بــ"رئيس الجمهوريه وابنه" دا مره جالنا مدير وانا فى اعدادى وبنته كانت معاه فى المدرسه،عمرى ما سمعت عنها ولا خدت اى ترتيب فجأه لقيتها الأولى على، بعد السنين دى كلها من إحتلالى للمركز ده تيجى بنت المدير وتاخد مكانى.صحيح شكيتهم وخليت أيامهم سوده وحاولت انتحر فى المدرسه لحد ما أخدت حقى،بس فضلت تطلع التانيه وانا كنت هتشل من الغيظ.ومشوا بالمقياس ده على كل حاجه...إللى له ضهر مينضربش على بطنه.

من كام يوم أخويا رد على التليفون ولما سأل "مين معايا؟" رد الطرف المتصل "أنا أبو علاء زميل باباك" طبعاً "مينو" مهرج كبير ،جرى على بابا وقاله "إلحق،أبو علاء بنفسه عاوزك،دا إنت وصلت وعديت ومحدش هيعرف يكلمك بعد كدا" وفضلنا نضحك ونهرج وكعادته قلب "جد" على فجأه وسأل سؤال غايه فى الأهميه:" بذمتك لو أبو علاء بجد صديق بابا،كانت ردوود أفعالنا تجاه حال البلد هيكون بنفس الشكل ده؟؟؟؟؟؟؟؟؟؟؟؟"

ومن غير تفكير قلت وبالفم المليان....."طبعاً لأ"،وقتها هيكون "أونكل" وأولاده هنؤول لهم "أبيه جمال وأبيه علاء" وزوجاتهم هيكونوا طنط وطبعاً كل الوزراء والأكابر هيكونوا أونكل وطنط لأن العلاقه بينهم زى شبكة المجارى والصرف الصحى والخطوط فاتحه على بعض.ومش بعيد كنا نروح نصيف سوا،وكان رقم تليفون أونكل وولاده تكون معايا وأكلمهم كل يوم أو أبعتلهم PLEASE CALL ME BACK  ومكنوش هيستخسروا حق المكالمه وكان زمان بابا وزير ومامتى رئيسة جمعيه نسائيه أو الروتارى، وأنا طبعاً مكنتش هكلمكم ولا أعبركم وابص لكم من "تراتيف" أنفى ولو حد فيكم اتكلم وحش عن "أونكل" أو "أبيه" كنت هبلغ عنه أونكل "مدير الأمن" شخصياً وأوديكم جوا الشمس مش وراها بس...وعلى رأى ماما لما تتريق على حد "جاتكوا القرف مليتو البلد".

السُلطه والنفوذ والفلوس...دول "سحر"،عالم تانى، وبلاش تتنرفز وتحكم من غير ما تجرب وتتحط على المحك وفى إختبار حقيقى،دا لو رقوك على زمايلك بتتنطط عليهم،فما بالك لو أكبر بقا. عارفين السُلطه زى النار إللى بيحرقوا فيها الدهب علشان يخلصوه من الشوائب والخبث إللى فيه، لو دهب حقيقى هيصمد ويطلع من النار بشكل أحسن مما دخل بيه (ودول الناس إللى بجد عندهم أصل ومبادئ ودين)، أما النحاس فهينصهر ويتحرق ويتغير شكله لدرجه تقرف تبص له حتى (ودول كلنا عارفينهم)، وفى الحاله دى هنعمل له "عملية تجميل" وياخد شكل يليق بالوضع الجديد وممكن ينقلب رأساً على عقب، وتكون الحكايه مش مجرد"تغيير أو تبديل" لااا دى هتكون"إنقلاب" تام وعارفين طبعاً إن التقلب والإنقلاب من طبع البشر....الأحياء  

وأكيد أنا مش بلمح ولا برمى كلام على إنقلاب الأموات وثورتهم على الأوضاع فى مسرحية "ثورة الموتى" بتاعة أروين شو، أرجوكم ما تفهامونيش غلط.

يعيش سيادة الريس وابن سيادة الريس

ها....إقتنعتوا ولا لسه؟؟ أكيد اقتنعتوا؛باين فى عيونكم، مش قلت لكم إنى "مُقنعه" ولو كنت اتدخلت فى قضية فلسطين كانت اتحلت من زماااان أوى....حظهم وحش إن "أنا" مش عندهم.

 

تحياتى وأطيب تمنياتى للجميع انهم يفضلوا أحياء بجد

المش مغروره ولا حاجه

Sabrina A.Ali 

 

 

JOIN US!!

 

Analyse This ! Yahoo Groups

 

 Analyse This ! Facebook  

---

Connect to the next generation of MSN Messenger  Get it now!

Send instant messages to your online friends http://uk.messenger.yahoo.com

---

Eng. Abd El-Rahman Saeed Shatou
Enppi Electrical Engineer
Mobile:  011 43 444 34
Mail: a.shatou@enppi.com

---

To: Analyse_This_@yahoogroups.com
From: Analyse-This
Date: Mon, 2 Jun 2008 23:51:56 -0700
Subject: Re: [Analyse_This_] سبع الرجال

وعليكم السلام ورحمة الله وبركاته

كنت اود ان لا اعقب على اى كتاب سياسيه

وخاصه اسلوب التجريح والتلويح والسب والقذف

اولا : مخاطبة الاباء لها اداب ولوعلمتم ما تحملناه على مدى السنين

    لكى نقوم بواجبنا نحو اولادنا لكى يتعلمواويتأدبو ا فى فى مخاطبة الكبار

اسوة برسول الله الذى قال له القرآن لو كنت فظا غليظ القلب لانفضو من حولك

وانك لعل خلق عظيم - وقول رسول الله جيئت لكمل مكارم الاخلاق

وقولى هذا للمهندس الصغير عبد الرحمن - اولا انا خريج كلية الهندسه جامع عين شمس

من اربعين عام ايام العمالقه من اساتذه وطلاب ذهبت مع ابى الى لجنة تصفية الاقطاع

رغم انه لايملك الا خمسة افدنه - وسعيت وشكوت الى الرئيس عبد الناصر واخذت حقى

وفى 67 كنت مع شباب الجامعة ادافع عن السويس

وفى 73 كنت جندى فى حرب الكرامه ورد الاعتبار

ولذلت اعمل رغم بلوغى الستين لأعلم باقى ابنائى

بالسعى والأدب - والحب والاحترام

وليس بالجلوس على النت وسب الآخرين

اولا واخيرا جيلنا لم يقصر - بل سعى كما سعت ستنا هاجر لتسقى ابنها مع ان الله سيخرج

الماء وليس قدم الرضيع - وانا اسأل ما هو سعيك انت ! ؟

 انا آسف للئطالة - واشكركم على سعة صدركم مع تقديرى للدكتوره هاله

واقول لها هل قصر جيلك وجيل زوجك كنت اود ان ترى على المهنس الصغير

الذى اتمنى له ولامثاله الهدايه والدراسة العلميه للامور والرجوع للكبار

وانا على استعداد للسعى له للعمل لو ارسل لى السيرة الذاتيه

نسع للعمل والكسب - ورد الجميل للاباء

ولا ينسى قول رسول الله الخير فى وفى امتى الى يوم القيامه  

واكتفى بقول الحكماء كن كالنخيل عن الاحقاد مرتفعا ترمى 

بحجر فتعطى اطيب الثمر 

مهندس ابراهيم موسى الفقى

"Eng. Abd El-Rhman Shatou" <Analyse-This@yahoo.com> wrote:

السلام عليكم

تعقيبا على كلام المهندس/ ابراهيم الفقى

للاسف الشديد هاضطر اقولها ولاول مره

ان جيل حضرتك هو سبب "المخمضة" اللى احنا فيها

أى نعم وللأسف الشديد اقولها ولاول مرة

ان قيادات مصر (من اول السيد محمد نجيب اللى اصلا ملحقش يعمل حاجه عشان نشكره عليها وده مش هجوم عليه لكن حقيقه) هى أحد اسباب النكبة

عزيزى المهندس ابراهيم

بناء على كلام حضرتك واضح انك خبرة هندسية لاتقل عن 20 عاما (مثلا؟)..

وانا اصلا يا عينى مهندس صغير خبرة سنتين

دلوقتى الكلام اللى هقوله يمكن ميكونش واضح غير للمهندسين اللى زينا
لكن اللى احبه اقوله هو الاتى:

1. الجامعة اللى انا متخرج منها جامعة عين شمس بتخرج كل سنه 2000 مهندس

(دى جامعة عين شمس لوحدها)

ولكن للاسف العدد الفعلى للمهندسين فيهم هو 100 واكيد حضرتك حاسس بكده باعتبار حضرتك دلوقتى فى وضع مهندس استشارى او leader

على مشروع وتحت ايدك شباب زى

(انا خريج 2006 كهرباء بور بتقدير امتياز مع مرتبة الشرف)

2. السبب فى التخلف العلمى هو سبب قيادات الحكم الحالية

اقول لحضرتك ازاى؟ لما يكون اللى ماسكنا شخص دخل الكلية الحربية بتقدير 50% فده اكيد

معناه انه احد الطلبة اللى بنشوفهم فى الفصل مشاغبين ومش بيذاكروا وبيستحموا فى الترعة

وبالتالى لا تعليم ولا علم (اللى هو حاليا بيرفع له شعارات كثيره) كان فى دماغه من الاساس

حضرتك عارف وانا عارف ان مصر متخلفة

تكنولوجياً

والسبب المهندسين اللى هما احنا وحضرتك معانا طبعا لان التخلف مش بيصيب جيل ويترك الاجيال الباقية لحالها

3. فى الوقت اللى المفروض يكون فيه مهندسين مصر بيقوموا بنهضتها فى بداية عصر الرئيس مبارك (اللى حضرتك بتكن له كامل احترامك) فى التمانينات كان المهندسين بيطفشوا من البلد وبيسافروا على الخليج وقليل على امريكا

وياترى ليه عملوه كده وانا متاكد ان حضرتك واحد منهم؟

ياما هما مهندسين

اندال

او مهندسين بيبحثوا عن لقمة العيش

طب ليه مشوفهاش فى بلدهم؟؟

السبب بسيط

لان عصر الكبير مبارك كان عصر مهبب يطفش اى مهندس بيحاول يعيش اهله بصورة كريمة

والوضع مستمر

4. ياترى يا باشمهندس ابراهيم حضرتك مسافرتش خالص بره مصر للعمل؟؟

اعتقد انك سافرت طب ياترى لو مكنتش سافرت كان زمانك ماكل ولادك وزوجتك ومعيشهم حياة مناسبة؟

ولازمانك بتستلف من قرايبك واهلك وانت ذليل؟!!

 

واخيرا وليس اخرا

إذا كان الجيل اللى قلبلنا سكت على المهانة والفساد مدعيا انه بيحاول يصلح ويبدأ من نفسه

فارجوا حضرتك بما انك من هذا الجيل ان تقف بجانب جيلنا بكلمة حق او تظل ساكتا مثل ملايين من جيلكم ساكت لا يحرك ساكنا.....

 

تعقيبا على كلام الدكتوره هالة

ده تقريبا اول تعليق ليا على كلام حضرتك اللى بستمتع بقرايته حضرتك واعضاء اخرين

(ومنهم الباشمهندس ابراهيم ليكون زعل منى)

انا فاكر موضوع لو كنت الريس هاعمل ايه

ومن زمان نفسى اقول هاعمل ايه

اقعدت افكر كتير جدا والله وحبتش استعجل فى الرد

ورجعت للدين بتاعنا وقريت عن حياة الرسول عليه الصلاة والسلام

قبل ما يتم اختياره من الرفيق الأعلى ليكون نور لينا

تعرفى يادكتوره اتفاجات بحاجه جميله جدا جدا

ان الرسول عليه الصلاة والسلام كان همه الاول والاخير هو سعادة البشر كلهم

بدون استثناء بدون حتى ما ينزل الوحى عليه

بجد

بجد

بجد

سعادة البشر

ممممممممممممممم

اقعدت افكر طب لو بقيت الريس ونفسى امشى على خطا الرسول اعمل ايه؟؟؟

لاقتها سهله جدا مش محتاجه تعقيد

اخلى المصريين كلهم بيضحكوا...!!!

اه والله

تعالى حضرتك نشوف مثلا طبقا المجتمع ومهنهم

1. الطبيب

2. المهندس

3. المحامى

4. الاديب

5. رجل الدين

6. التجارى

7. الاعلامى

8. الفنان

9. السباك

10. الكهربائى

11. عامل التنظيف

12. الفراش

وكتير وكتير والقائمة لاتستهدف ترتيب معين كلنا اما الله سواء

طيب انا لو بقيت الريس هابقى عايز ابسط الدكتور

يبقى هوفرله مستشفيات محترمة وادامية ومرتب كفيل بان يعيشه حياة كريمة

ومش بس كده لان الطبيب بصفته صاحب علم هوفر كل سبل العلم له عشان يطور ويطور نفسه

طيب لو بقيت الريس هابسط السباك ازى؟؟

هاوفرله تعليم فنى وصناعى حقيقى على مستوى عالى فى نفس مستوى الجامعة بالظبط

واخليه يحترم مهنته وبالتالى المجتمع يحترمه

 هاوفرله دخل ثابت محترم عشان يكفل لاسرته الحياة الكريمة

والبقية تاتى على الجميع

قابلتنى مشكلتين اول حاجه:

طب هاجيب منين فلوس اعمل كل ده؟؟؟

مممممممممممممم

1. ارفع قيمة تصدير الغاز الطبيعى المصدر لاسرائيل مقابل 75 سنت

لكل مليون وحده حرارية ل 5 دولار

2. اخلى ايرادات قناة السويس ملك للشعب مش لولادى وليا ولمراتى نتفسح بيهم

فى اوربا وخلافة تحت مسمى الحرس الجمهورى

3. استغلال موارد البلد الطبيعية بهدف توفيرها للناس الاغنياء والفقرا قبلهم وطظ فى التصدير عننا ما صدرنا المهم الناس تعيش مبسوطه...

وحلول تانيه احنا مش هنغلب يعنى ومحناش حرامية زى الحكومة اللى سرقتنا هيا والتجار من كام اسبوع....

طب والمشكلة التانيه؟؟؟

المشكلة التانيه دى جتلى بعد تفكير عميق الا وهو طب فرضا فرضا

لقينا طلب لمواطن ولابلاش مواطن دى مش بحبها لاقينا واحد اللى هيبسطه هيأذى غيره

يعنى مثلا محامى يبقى همه البلد تتملى قضايا مخدرات عشان يكسب طب ما ده هيضر باقى المجتمع طب اعمل ايه عشان احل المشكله دى؟؟؟

فكرت ولاقيت الحل بسيط

هنحط حاجه كده هنسميها "قوانين" تمنع اى تعارض بين حقوق الناس بينها وبين بعضها فى "السعادة" اللى بتكلم عليهم

طب اعمل ايه؟؟ مينفعش اعمل انا القوانين دى تحت مسمى "مجلس الشعب" ولا اخلى مراتى تحط القوانين دى تحت مسمى "مجلس الشورى" ولا ابنى تحت مسمى "قرارات جمهورية" ومينفعش

فى نفس الوقت اخلى كل صاحب مهنه يحط القانون على مزاجه

لانه وده طبيعة البشر هيشوف مصلحته

طب ايه القانون اللى لايمكن تدخل فيه اهواء البشر

هو بكل بساطه قانون ربنا قانون

الدين

ده احسن قانون يادكتوره هالة مفيهوش اخطاء لانه وضعه ربنا سبحانه وتعالى المنزه عن الاخطاء

بس الحل اهو:

الهدف الرئيس: كل المصريين بيضحكوا

الوسيلة: نشر الدين الحقيقى بين الناس ونبطل ننشر بينا وبين بعض ان الفكر الصهيونى هو السبب العيب فينا احنا (ده موضوع تانى اتكلم فيه بعدين).ز

 

 

تحياتى

"د.هاله خاطر" <Analyse-This@yahoo.com> wrote:

السلام عليكم ورحمة الله وبركاته

استفسار صغير من المهندس ابراهيم الفقى

هو حضرتك بتتكلم بجد؟

اصل انا من الجيل اللى حضرتك بتتكلم عليه ده

ومن عشرين او تلاتين سنه كان حالنا احسن من كده الف مره

قيادات ايه اللى نفسها تسعد من حولها

مين من القيادات دى حاسس بآلام الشعب ومشاكله؟

حد شاف ريس منهم راكب ميكرو باص

ولا بيوقف تاكسى علشان يحس بالزحمه ومشكلة المرور؟

حد فيهم اتبهدل فى قسم شرطه وخد على قفاه؟

حد فيهم اعتقلوا ابنه وحرموه من دخول الامتحان وضيعوا مستقبله؟

حد فيهم وقف فى طابور عيش وضرب ولا انضرب علشان يشترى رغيف؟
حد  منهم قعد على القهوة بالسنين علشان  مستنى وظيفه بسيطه؟

حد منهم  عانى من الواسطه والمحسوبيه والرشوه والروتين؟

حد منهم عايز يجوز ولاده فى شقه من اوضه وصاله ومش لاقى خرم ابره يلمه؟

حد منهم ساكن فى العشوائيات وبينام من غير عشا وبياكل من الزباله؟

وفى زمن العولمه والنت والتكنولوجيا والمحمول

لسه فيه ناس عايشه من غير ميه نظيفه ولا كهربا ولا مجارى ولاصرف صحى

ولا حياة لمن تنادى

انا مع سيادتك فى نقطتين

الاولى

ان كل واحد لازم يبدأ بنفسه ويصلح نفسه قبل ما يشتكى

التانيه

ان مصر فعلا مستهدفه من قوى خارجيه واعتقد اننا كلنا عارفنها

وهى الكيان الصهيونى

وهو السبب فى كثير من المشاكل الداخليه زى الفتن الطائفيه

بين المسلمين والاقباط وبين السنه والشيعه

ولكن

ومع انى ضد الاسلوب الساخر اللى كله تجريح وتلميح

لكن الناس مخنوقه يا باشمهندس وطهقانه وقرفانه وعلى أخرها

كلنا بنحب مصر

 ونعشق تراب مصر

لكن بالنسبه لقيادات مصر

أعتقد أن كلنا لنا رأى تانى غير رأى حضرتك

بس بجد فعلا

هو حضرتك بتتكلم بجد؟

تحياتى

د.هاله خاطر

 

 

 

 

ibrahim elfeky <Analyse-This@yahoo.com> wrote:

الاخ الكريم ابدأ بنفسك واصلح من حولك

وكفايه اسلوب التجريح والتلميح اللى لا بيحل ولا بيربط

اسأل نفسك او الاكبر منك من ثلاثين سنه كن عايشين ازاى

وتليفون المحمول والمصاريف والنت

انا لا اعرف سيادتك

ولكنه حديث الاب او الاخ الاكبر

وعشان كده انا بحب مصر وتراب مصر

وكل قيادات مصر

من محمد نجيب الى حسنى مبارك

لأن اى واحد فيهم نفسه يسعد من حوله

ولا يرغب ان يعيش فى قلق ولكن بلدنا مستهدفه

لأنها القياده والقدوه والعلم والمعرفه والتاريخ

والكل عارف لا نهضه لهذه الامه ولا كيان بدون مصر

فتنه طائفيه فشلت - فتنه بين اخونا المسيحين وتعيين بابا بواصطة امريكا فشلت - والمحاوله الجديده - اهل الكتاب والسنه - والشيعه وما يستجد من فتن وضغوت يحرق القمح والزرا ولايبيعه للدول الفقيره 

وهذا قدرنا  

الواحد منا لايسطيع يرضى كل ابنائه مع انه عايش عشان يسعدهم

 ارجوا ان الرياح المتربه دى تنتهى ولابد راح تنتهى مش انتهت رياح واحزان من اقبلها -  وننتج ونعمر - ونبنى ونزرع فسيله

يحصد انتجها ابنائنا واحفادنا

مهنس / ابراهيم موسى الفقى

Ahmed Yahia Abdel Rahman <Analyse-This@yahoo.com> wrote:

بقلم نوارة نجم. جبهة التهييس الشعبية

 

ها؟ ح تعمل ايه؟ احسن يا سبع الرجال...احسن يا حبيبي
بهدلتنا وذلتنا ووطيت راسنا وكسرت نفسنا وجوعتنا، كل ده عشان خاطر رضا الخواجة الامريكاني اللي انت راهنت عليه وبعتنا عشانه، واديهم هزأوك يا سبع الرجال، لو كانوا سندوا اللي قبلك كانوا يسندوك يا سبع الرجال، لو كانوا اشتروا اللي كان في ايران وللا في العراق كانوا اشتروك يا سبع الرجال: يقولوا لك بيع القطاع العام وشرد الغلابة تبيع
يقولوا لك ادهس البلد بالاستثمار الاجنبي الاستهلاكي تدهس
يقولوا لك اجهض النشاط الزراعي والصناعي واشتغل تصدير تجهض
يقولوا لك بيع يا لطفي تبيع يا لطفي
ليه يا لطفي؟ ليه الخيابة دي ده احنا غلابة وطيبين ومدمنين كلمة "الحمد لله احنا احسن من غيرنا" وبنرضى بقليلنا
كان جرا لك ايه لو راهنت علينا احنا ده احنا رهانا رخيص قوي: عيشة بشلن، فاكره الشلن يا سبع الرجال؟ تلاقيك نسيته ماهو ما بقاش موجود، هو شبه الجنيه المعدن بتاع دلوقت
كان حصل ايه لو كنت اتقيت ربنا فينا شوية صغيرين، ده احنا كنا شيلناك في عينينا وكنت استخبيت فينا، ح تستخبى فين دلوقت؟
انت ليه استهرت بذكائنا يا سبع الرجال؟ ليه استهيفتنا واستقليت بينا؟ ده احنا الحيطة المعدولة الوحيدة في الدنيا دي
همممم، اتخانقوا معاك على ايه؟ قالوا لك ح نجيب خدام احسن منك؟ وللا قالوا لك هي مش تكية عشان تسيبها ورث للمحروس؟
وللا انت فاكرنا داقين عصافير عشان نصدق التسميخ بتاع مصطفى بكري اللي عايز يطلعك صلاح الطين الاليوبي؟
اهو دايما ده كان عيبك، بتستغبانا، عيب عليك ده احنا عندنا سبعتلاف سنة، احنا طيبين آه، بنرضى بقليلنا آه، بس مش عشان اغبيا، لكن عشان دقت على راسنا طبول كتير وبقينا نعرف قيمة النعمة ولو قليلة ونسامح في اي مصيبة مهما كانت كبيرة عشان الدنيا تمشي، والا ماكناش عشنا لحد دلوقت، وانت ح تروح واحنا باقيين ليوم الدين
عارف يا سبع الرجال كان قبل اللي قبلك واحد عليه كل المآخذ اللي في الدنيا وعمل كل الاخطاء الفادحة اللي ممكن تتخيلها الا خطأ واحد بس وهو الخطأ اللي انت عملته انك استهنت بينا
عارف بقى الراجل ده، ما عملش حاجة غير انه جبر بخاطر الغلابة، بس، آه وربنا جبر بخاطرهم باقل القليل، بس احنا خاطرنا طيب وبيتجبر بسهولة، عارف بقى الناس كانت بتتعامل معاه ازاي؟ كانوا بيتعاملوا معاه زي الفلاحة الغلبانة اللي مهما جوزها يرنها علقة كل يوم تفضل تحبه عشان ده راجلها اللي فاتح بيتها
وهو ما عملش اكتر من كده، فتح بيوت الغلابة، والغلابة شالوها له، حتى لما جاب لهم الهزيمة والدنيا تكالبت عليه ما لقاش غير حضنهم المجروح يستخبى فيه، وطلع اذكى منك يا سبع الرجال، انا شخصيا ما اعرفش زعيم مهزوم فضل في كرسي الحكم برغبة الناس غيره
ولما مات اندفن في قلوبهم، عشان احنا كده، احنا زي طمينا يا سبع الرجال، اللي يرمي فيه بذرة تطرح بستان
بس انت جرفتنا زي ما جرفت طمي ارضنا ورحت تستصلح الصحرا بتاعة الخواجة الامريكاني
في عهدك يا سبع الرجال الناس انتحرت من قلة العيش
في عهدك يا سبع الرجال عينين المصريين انكسرت جوة بلدهم وبراها
كسرتنا وكسعمتنا وخلعت ضلوعنا من مكانها ومين ح يشيلك دلوقت؟ ح تعمل ايه يا مسيطنا؟
انا ح اعمل باصلي وانصحك نصيحة مخلصة لوجه الله تعالى: روح للامريكان اللي انت كنت فاكر انهم هم اللي ح يحافظوا لك على الكرسي وقول لهم حقكوا على راسي واللي تؤمروا بيه انا سداد، يمكن...جايز يرحموك ولو ان المكنة مالهاش قلب ترحم بيه يا سبع الرجال
ما تبصلناش..مش عشان احنا شمتانين فيك...لا، مش احنا، الا اذا كان فيه شوية منايفة بلدياتك وللا حاجة
بس عشان احنا اتكسحنا يا سبع الرجال، انت كسحتنا، مين ح يسندك؟
الامهات اللي باعت عيالها من الجوع؟ وللا الرجالة اللي بيدوروا على لقمة في كوم زبالة؟ وللا الموظفين اللي بيمدوا ايدهم شحاتة وسرقة عشان يكفوا البيت عيش ورز حاف؟ وللا الطبقة المتوسطة اللي بتشتغل خمستاشر ساعة عشان تسدد قسط العربية وقسط التلفزيون وقسط الدش وقسط المدارس وقسط التلاجة وقسط الشقة وقسط الغسالة؟ وللا الشباب اللي بيرمي نفسه في البحر عشان مش لاقي شغل ولا جواز؟ وللا مرضى الفشل الكلوي؟ وللا مرضى السرطان؟ وللا الاطفال اللي نايمة في الشارع؟ وللا اللي هجوا من البلد وبيسفوا التراب عشان لقمة العيش ومهما اتكنس بيهم زبالة الشارع ما يهوبوش ناحية السفارة المصرية من المر اللي بتسقيهولهم؟ وللا رجال الاعمال اللي سلمتهم رقبتنا عشان يمصوا منها دمنا ويوم ما دمنا ينشف ح يتفونا في المصرف ويدوروا لهم على فريسة تانية؟
لو سيدك اللي مشغلك، واللي عشانه عملت فينا ده كله رماك يا سبع الرجال ح تعمل ايه؟
كان بودنا نشيلك
بس مالناش دراعات نشيلك بيها
ربنا يتولاك ......
ويتولانا

Ahmed Yahia AbdelRahman

Fellow Stereotactic & Functional Neurosurgery

UBC

DHCC , Vancouver General Hospital
8105 - 2775 Laurel street

Vancouver BC,

V5Z 1M9

cell. +1 604 728 2387

Fax. +1 604 875 4882

---

To: Analyse_This_@yahoogroups.com
From: Analyse-This
Date: Mon, 19 May 2008 07:51:54 +0100
Subject: Re: [Analyse_This_] وقوع البلاء ولا إنتظاره

عارفه يا صابرين كلامك دا فاكرنى  مش عارفه ليه ؟!! بمشهد فى مسلسل بين القصريين كان بين هدى سلطان ( نينه) و صلاح السعدنى لما كان الإحتلال خلاص المفروض يسيب مصر كانت نينه بتقول لصلاح معقوله يابنى بعد ما عشرناهم و داخلوا بيوتنا نيجى نقولهم أخرجوا من البلد دا يا بنى حتى دى تبقى عيبه و العشره ما تهونش إلا على و لاد الحرام فساعتها رد صلاح السعدانى : قالها الله شوف الكلام كلام فى الهجايس بس عشان طالع من بق نينه بقى زى العســل !!!

heno882002
"د.هاله خاطر" <Analyse-This@yahoo.com> wrote:

كلامك يا صابرين فاكرنى بواحد قالى

الشعب المصرى ده فعلا شعب ناكر للجميل

قلت له ليه ؟

قالى ريسه مبارك

وابنه جمال

ورئيس الوزرا نظيف

 ورئيس مجلس الشعب سرور

 ووزير الماليه غالى

كل ده ومش حاسس بالامله اللى هو فيها

مش ده بطر على النعمه؟

بصى من الاخر انتى قلتيها جاى جاى

والنجفه هتقع هتقع

والعشره متهونش غير على ابن الحرام

وضربوا الاعور على عينه قال خسرانه خسرانه

بس فى الاخر انا مش عايزاكى تفرحى اوى

لانى مش مقتنعه ولا حاجه

ولا خفت من راسك الصعيديه الناشفه

هو بينى وبينك شوية يأس على إحباط على عكننه

وربنا يسترها معانا ومع ولادنا

لكن ارجع واقول الله يخرب بيتك يا محسن

SABRINA ABU ALI <Analyse-This@yahoo.com> wrote:

 

معلومه أحب أضيفها لحضراتكو علشان تعرفوا بالظبط نوعية المخ إللى بتتعاملو معاه وإنتوا بتكلمونى. أنا....صعيديه ، ودى حقيقه جينيه وراثيه لا يمكن تغييرها أو العبث معاهاحتى لو عشت فى باريس.

ودا يا ترى معناه إيه؟؟ معناه إنى بحب الكلمه الواحده ..آه=آه و لأ=لأ. ولو فى مشكله يبقا تتحل حل جذرى ونهائى ومن غير أنصاف حلول،بدل ما نعيد ونزيد فيها "نبطل رط فى الحديت ما دام مامينهوش عازه" بإختصار كدا نجيب من الآخر.

والآخر بالنسبه لى هو إنى عاوزه "جمااااال" يمسك بدل باباه،آه والله جد، وعن اقتناع تام كمان.ولو رشح نفسه هنتخبه ولو عملوا عليه استفتاء بردو هروح واقول "نعم". إزاى أخدت القرار ده فى يوم وليله مش عارفه؟!

وإزاى اتنازلت عن "فارس أحلامى" إللى هيخلصنا بسيفه؛؛بردو مش عارفه؟؟!!!..هى جت معايا كدا وركبت فى مخى الصعيدى بالشكل ده.

ولأنهم بيقولوا عنى "مُقنعه" ولو حبيت اقنع حد ان الخمر حلال هعملها –والله هم بيؤولوا كده مش أنا- وبُناءً عليه قررت اقنعكم وصدقونى هتقتنعوا.

أولاً نمشى بمبدأ "إللى نعرفه أحسن من إللى منعرفوش" ودا راجل معانا بقاله ييجى 50 سنه من وهو عيل صغير، وعارفين اصله وفصله مش لسه هنسأل ونطأس عليه. وكمان العائله الاربع أفراد دى خلاص شبعت، يعنى ان شاء الله مسيرهم يزهقوا ويسيبولنا الباقى ننقنق فيه.لسه هنجيب حد منعرفهوش وممكن يكون جعان اوى وكمان تطلع عيلته 30-40 نفر يخلصوا علينا، دا 4 أفراد عملوا فينا كدا يبقا لو أكتر ممكن يعملوا إيه؟؟!!!!

نيجى كمان لمبدأ ان "العشره ما تهونش غير على ولاد الحرام" يرضيكوا حد يقول علينا كدا؟؟؟ وكمان "أبو علاء" متعشم فينا جامد وميصحش نكسفه.دا والله وهو بيتكلم عن اسرته فى التليفزيون الدمعه كانت هتفر من عينى من التأثر وحسيت انه بيتكلم عن ناس قرايبى أوى. وقررت انى مكسرش بخاطره وأحقق عشمه فينا.

حد يطول واحد ابن ناس متعلم فى سويسرا وكمان معاه شهاده عسكريه واقتصادى ماهر وسياسى متودك وييجى منه وشكله مش بطال ومعندهوش كرش، وكمان مصاحب مليارديرات وهو نفسه كذلك.يعنى مش هيرضى يحكم شعب مستواه اقل من كدا،فأكيد هيقضى على الفقر والفقراء بحاجه من اتنين، يا ينغنغنا معاه يا يخلص علينا ويخلص وتعيش مصر أزهى عصورها الرأسماليه

وكمان فى حاجه مهمه؛إفرض-بعد الشر- إن إللى جه بعد كدا مكنش من الاسره المباركيه، نعمل إيه فى اسماء الشوارع والميادين والمحطات والمنشآت إللى كلها تحمل اسم "مبارك"؟؟؟؟ لسه هنسميها من جديد؟؟ ونغير الخرايط وممكن الناس تتلخبط وتتوه وتحس بالغربه جوا البلد،وممكن يطلع الجديد ده "حقودى" ويدمر كل حاجه تحمل الاسم ويبوظ لنا البلد وغرامه عالفاضى.وكمان ممكن مراته تلغى مشروع مكتبة الاسره وما ألاقيش حته اشترى منها كتب.

دا على المستوى الداخلى؛صحيح لسه عندى اسباب كتيييير بس كفايه كدا علشان ندخل فى الاسباب الخارجيه.

شوفتوا لبنان وإللى جرالها؟؟؟حاجه تحزن والله،بلد من غير رئيس ولا حد يحكمها لشهور وشهور ويا عالم لحد إمتى!!! متقطعه بين حزب الله واعوان سعد الحريرى والجيش، وعمالين يخربوها كل يوم ويقتلوا فى بعض، وكل ما ييجى يحددوا ميعاد اختيار رئيس،تيجى البومه بنت الغراب متصله بيهم من برا أو تطب عليهم زى القضاء المستعجل وتغير خططتهم.وزى ما بيقولو "اضرب المربوط يخاف السايب" أهى لبنان وفلسطين والعراق مربوطين وإحنا السايبين والكلام ليكى يا جاره.هنستنى لما يتعمل فينا كدا بعد الشر؟؟ يبقا لازم الراجل الكبير يحط حد مكانه ضرووورى وبسرعه جداً؛محدش ضامن عمره. دا مجرد اشاعه عن مرضه وقفت حال البلد وطفشت المستثمرين ووقعت البورصه ويمكن يكون عدد كبير من الوزراء والمسؤليين راح حضر شنطته علشان يخلع قبل ما تخرب بزياده.

أى بلد ملهاش حد يحكمها بتكون مطمع والعين علينا يا جماعه، دول الشرق الاوسط كلها خربانه والنار مقربه مننا، فلازم يكون لنا كبير بدل ما يجيبولنا كبير من برا.وانا وأخويا على ابن عمى وانا وابن عمى على الغريب.وارجع اقول لكم إللى نعرفه أحسن من يللى منعرفهوش.

هنقل بقا معاكو فى الكلام على حاجه تانيه خااالص، وهى إن وقوع البلاء أحسن 1000مره من إنتظاره؛أياً كان نوعه او اسمه سواء جمال أو علاء مش هتفرق، يعنى بدل ما كل يوم نعيد ونزيد نفس الكلام،فى توريث لأ مفيش،جمال جاى لأ مش جاى،ونعيش فى قلق وترقب طول الوقت.

شعور مش حلو وانت حاسس ان النجفه فوق راسك بتتمرجح وتشاور عقلها تقع ولا لأ، شدها وإخلص وزى ما تيجى بقا.يعنى بدل ما استنى البلاء واقعد منتظراه اجيبه بنفسى وارتاح وأهو وجع ساعه ولا كل ساعه.بدل ما احنا حاسين كدا ان فى شوكه فى ضهرنا لا عارفين نقعد ولا ننام ولا نرتاح منها.

وإنتوا عارفين وانا عارفه إنه "جاى جاى"،يبقا ييجى برضانا أحسن علشان نحافظ على ماء وجوهنا؛الناس دى فارشه لنفسها أرضيه جامده،حديد مسلح من عند "عز" إللى مش هيعزه عليهم،وخرسانه ولا بتاعة المنشآت النوويه

والأهم هو القاعده الشعبيه الفظيعه من أنصار الحزب الحاكم وفروعه من أمانة المرأه وجمعية جيل المستقبل فى كل المحافظات؛ ودول متعرفش معمول لهم غسيل مخ ولا إيه!!!بيدافعوا بإستماته عن كل ما يمس الكبار.بإختصار بحس انهم "دروع بشريه" وحوائط صدعملتها الحكومه من الشعب علشان بردو تحميها من الشعب.يعنى وقت اللزوم هيسلطوهم علينا ونقع فى بعض وهم يتفرجوا ويضحكوا من بعيد وتوصلهم مستويه على طبق من دهب من غير ما حد فيهم يلوث إيديه بدم العالم "البيئه" إللى بيحكموهم –إحنا يعنى- وتقريباً كل البلد أعضاء في الحزب من غير ما يعرفوا، ولو حبيت تطلع منه وتديهم الكارنيه تانى،يفضل يرجعلك وينط فى وشك زى الشريط بتاع احمد حلمى فى فيلم ظرف طارق،هيرجع ويخرشمك كمان لو فكرت ترميه تانى.

خدوا الكبيره بقا....السُلطه والنفوذ والمال لهم مفعول غريب وقوى جداً على كل النفوس البشريه وإوعوا تنكروا. إنت لو موظف واصل حبتين والله لتستغل سلطتك لمصلحتك ومصلحة ولادك،والأمر ما يسلمش من توصيه ولا كارت ولا تليفون لحد مهم. وإحنا عارفين كدا من قديم الازل وباين فى أمثالنا الشعبيه زى "يا بخت من كان النقيب خاله" ودا مجرد نقيب والتانى يا دوب ابن اخته بس هينفعه،فما بالكو بــ"رئيس الجمهوريه وابنه" دا مره جالنا مدير وانا فى اعدادى وبنته كانت معاه فى المدرسه،عمرى ما سمعت عنها ولا خدت اى ترتيب فجأه لقيتها الأولى على، بعد السنين دى كلها من إحتلالى للمركز ده تيجى بنت المدير وتاخد مكانى.صحيح شكيتهم وخليت أيامهم سوده وحاولت انتحر فى المدرسه لحد ما أخدت حقى،بس فضلت تطلع التانيه وانا كنت هتشل من الغيظ.ومشوا بالمقياس ده على كل حاجه...إللى له ضهر مينضربش على بطنه.

من كام يوم أخويا رد على التليفون ولما سأل "مين معايا؟" رد الطرف المتصل "أنا أبو علاء زميل باباك" طبعاً "مينو" مهرج كبير ،جرى على بابا وقاله "إلحق،أبو علاء بنفسه عاوزك،دا إنت وصلت وعديت ومحدش هيعرف يكلمك بعد كدا" وفضلنا نضحك ونهرج وكعادته قلب "جد" على فجأه وسأل سؤال غايه فى الأهميه:" بذمتك لو أبو علاء بجد صديق بابا،كانت ردوود أفعالنا تجاه حال البلد هيكون بنفس الشكل ده؟؟؟؟؟؟؟؟؟؟؟؟"

ومن غير تفكير قلت وبالفم المليان....."طبعاً لأ"،وقتها هيكون "أونكل" وأولاده هنؤول لهم "أبيه جمال وأبيه علاء" وزوجاتهم هيكونوا طنط وطبعاً كل الوزراء والأكابر هيكونوا أونكل وطنط لأن العلاقه بينهم زى شبكة المجارى والصرف الصحى والخطوط فاتحه على بعض.ومش بعيد كنا نروح نصيف سوا،وكان رقم تليفون أونكل وولاده تكون معايا وأكلمهم كل يوم أو أبعتلهم PLEASE CALL ME BACK  ومكنوش هيستخسروا حق المكالمه وكان زمان بابا وزير ومامتى رئيسة جمعيه نسائيه أو الروتارى، وأنا طبعاً مكنتش هكلمكم ولا أعبركم وابص لكم من "تراتيف" أنفى ولو حد فيكم اتكلم وحش عن "أونكل" أو "أبيه" كنت هبلغ عنه أونكل "مدير الأمن" شخصياً وأوديكم جوا الشمس مش وراها بس...وعلى رأى ماما لما تتريق على حد "جاتكوا القرف مليتو البلد".

السُلطه والنفوذ والفلوس...دول "سحر"،عالم تانى، وبلاش تتنرفز وتحكم من غير ما تجرب وتتحط على المحك وفى إختبار حقيقى،دا لو رقوك على زمايلك بتتنطط عليهم،فما بالك لو أكبر بقا. عارفين السُلطه زى النار إللى بيحرقوا فيها الدهب علشان يخلصوه من الشوائب والخبث إللى فيه، لو دهب حقيقى هيصمد ويطلع من النار بشكل أحسن مما دخل بيه (ودول الناس إللى بجد عندهم أصل ومبادئ ودين)، أما النحاس فهينصهر ويتحرق ويتغير شكله لدرجه تقرف تبص له حتى (ودول كلنا عارفينهم)، وفى الحاله دى هنعمل له "عملية تجميل" وياخد شكل يليق بالوضع الجديد وممكن ينقلب رأساً على عقب، وتكون الحكايه مش مجرد"تغيير أو تبديل" لااا دى هتكون"إنقلاب" تام وعارفين طبعاً إن التقلب والإنقلاب من طبع البشر....الأحياء  

وأكيد أنا مش بلمح ولا برمى كلام على إنقلاب الأموات وثورتهم على الأوضاع فى مسرحية "ثورة الموتى" بتاعة أروين شو، أرجوكم ما تفهامونيش غلط.

يعيش سيادة الريس وابن سيادة الريس

ها....إقتنعتوا ولا لسه؟؟ أكيد اقتنعتوا؛باين فى عيونكم، مش قلت لكم إنى "مُقنعه" ولو كنت اتدخلت فى قضية فلسطين كانت اتحلت من زماااان أوى....حظهم وحش إن "أنا" مش عندهم.

 

تحياتى وأطيب تمنياتى للجميع انهم يفضلوا أحياء بجد

المش مغروره ولا حاجه

Sabrina A.Ali 

 

 

JOIN US!!

 

Analyse This ! Yahoo Groups

 

 Analyse This ! Facebook  

---

Connect to the next generation of MSN Messenger  Get it now!

Send instant messages to your online friends http://uk.messenger.yahoo.com

---

Eng. Abd El-Rahman Saeed Shatou
Enppi Electrical Engineer
Mobile:  011 43 444 34
Mail: a.shatou@enppi.com

---

To: analyse_this_@yahoogroups.com
From: Analyse-This
Date: Tue, 3 Jun 2008 00:03:02 +0300
Subject: [Analyse_This_] أنا عاوزه من ده

 
 

 

 

 فى حكمه بتقول إن :" الإنسان عدو ما يجهل"، بمعنى إننا غالباً "بنهاجم" الحاجات إلى ما نعرفها، أو على الأقل بننفر منها وبيكون موقفنا سلبى تجاهها. يعنى افرض مثلاً انى قلت لكم عزماكم على بط بالبرتقال أو فراخ مشويه بالسكر البُنى.....يــــــــع، أكيد دى الكلمه إللى صدرت من معظمكم دا غير علامات القرف والتقزز.

ودا بالظبط إللى كان بيحصل معايا لما بسمع كلمة "حــــــب" أو حد يكلمنى عنه، والأكتر من كدا انى كنت بهاجم الحب بشراسه وبسخر منه كمان، ولما واحده صحبتى تتخطب و"تتدهول" فى الحب كنت بعملها تريقة القعده، ودايماً بقول ان مفيش حاجه اسمها حب ودا وهم إحنا بنعيش فيه نفسنا علشان نعرف نبلع الواقع، يعنى بنخلق لنفسنا حياه غير الحياه، مرطب بيخفف من خشونة الدنيا.ودا ناتج عن انطباعاتى الســيئــه عن كل قصص الحب إللى سمعتها او قريتها

 

ولو بصيتوا فى أشهر قصص الحب العالميه هتلاقوها اشتهرت علشان "مآسيها" مش علشان نهاياتها السعيده، لو كانت سعيده ما كانوا ذكروها.وكمان القصص دى كلها "خايبه وفاشله" ولا عمرى هعترف بيها علشان مزيفه ومن غير اساس.

عارفين "روميو وجوليت" العيال إللى عندهم 14 سنه ،لو كانوا أهاليهم كانوا هاودوهم واشتروا دبلتين وخلصوا الموضوع من غير عناد، كانوا العيال هيزهقوا من بعض وتتفركش الحكايه من غير مأساه أقرب إلى الملهاه، عناد مش اكتر غير انى روميو كان عاطل ومش وراه حاجه غير اللعب والسباق والحفلات، والتانيه محبوسه ومش لاقيه حاجه تعملها فجمعهم "الـــفراغ" فى وهم اسمه الــــــــحــــــــب.

وكليوباترا حبت انطونيوا علشان نفوذه ومعاداته لأخو مراته "اكتافيوس" ولو كان اكتافيوس هو اللى جه بدل انطونيو كانت بردو حبته وخلصت الحكايه من غير انتحار وكلام فارغ، هى انتحرت علشان خافت على نفسها من البهدله مش حزناً على المحروس المهزوم.

مين كمان؟؟ آه... قيس وليلى، ودى أسوء قصص الحب، بذمتكم ودينكم فى حد يحب واحده فى بيئه شرقيه جافه ويفضحها؟؟!!،عارف ان ممنوع "التشبيب" – يعنى انك تقول كلام حب او شعر فى اللى بتحبه- وإللى يعمل كدا تتحرم عليه حبيبته ويتمنع من زواجها، ورغم ذلك قيس ولا همه وفضل يتغزل فى البنت ويشهر بيها والجزيره العربيه كلها بقت تقول قصايده وعرفت اسمها واتفضحت،كأن الشهره والشعر اهم من ان تجمعه مع حبيبته خيمه واحده. كان عارف انها هتتحرم عليه، دى عاداتهم وتقاليدهم والتاريخ ما ذكر ان قيس كان بيدرس فى اوروبا علشان كدا ما عرف التقاليد دى، دا كان بيعملها متعمد...وبتقولوا ان دا حــــــــــب؟؟؟

اظن سمعتوا كمان عن عنتر وعبله، ابو المبالغه كلها قال إيه :" ولقد ذكرتك والرماح نواهلُُُ منى وبيض الهند تقطر من دمى .....فوددت تقبل السيوف لأنها لمعت كبارق ثغرك المتبسم"..آه يا...... ولا بلاش

دمه سايح وعاوز يبوس السيوف علشان فكرته بسنانها اللامعه، البيه الحبييييب بعد ما اتجوز "عبله" قلبها، وخصوصاً لما طلعت مش بتخلف وكمان اتجوز عليها، دى حقيقه تاريخيه، بذمتكوا دا حب نستشهد بيه؟؟!!!

 

مش دا الحب القدوه إللى نتمثل بيه ونتمناه فى حياتنا، الحب المبنى على وش الأرض من غير أساس أكيد هينهار مع اول خبطه، علشان كدا أعلى معدلات الطلاق بتكون فى اول سنه بعد الجواز، الولد والبنت كانوا بيحبوا بعض بطريقة الافلام والاغانى، الفارس الخشب والعروسه الحلاوه، الواد الأمور والبنت اللذيذه.

مش دا الحب إللى يبنى بيوت ويعمرها ويخليها تصمد على مر السنين.

 أنا مش عاوزه الحب إللى من النوع ده، حتى لو مكنش فى غيره فيبقا مش عاوزه حب خالص وخلينى كدا احسن.

مره شفت اتنين اتمنيت انى اكون فى مكانهم، والله من كل قلبى دعيت اكون زيهم انا وزوج المستقبل وعيونى دمعت وانا بدعى،كنت مسافره بالسوبر جيت، ودا بالنسبه لى أحلى سفر علشان بنكون "مجتمع" صغير فى مكان مغلق، ببص لوشوش الناس واعمل عليها حواديت،بعد ما قعدت فى الكرسى لقيت واحده ست عجووووزه أوى بتطلع الأتوبيس وبتمد إيديها تساعد حد لساه بيطلع وراها. من حسن حظى انهم قعدوا قصادى، شكلهم جميل، بيجذبوا العيون وكأنهم مغناطيس.من اول ما ركبوا وهما مبتسمين وراسهم فى راس بعض،وهات يا سهارى بصوت همس ولا كأنهم مخطوبين لو لسه شباب بيحبوا بعض. والراجل كل شوى يسألها "انت مستريحه كدا؟" وشوي يحط دراعه وراها وشوى يساعدها تتعدل.كان لازم اتكلم معاهم ولأنى دايماً ماشيه بــ"محل بقاله" صغنن فى شنطتى قلت افتح كلام واعزم عليهم، وفعلاً الراجل مد ايده علشان ياخد منى حاجه لقيت الست بتمسك ايده وبتقول له "لأ" بطريقه وكأنها عتاب، لقيته بيبتسم وبيقول لها :" والله مش لى دا ليكى" ورجع قال لى " اصل عندى السكر وهى بتخاف على، لكن ما دام هى أكلت يبقا انا اكلت " مش عاوزه اقول لكم انى عبيطه ودمعتى قريبه وبتأثر بسهوله؛ مسكت نفسى علشان ما اعيطش وألم الاتوبيس على ولا الناس يقولوا غيرانه منهم. فتحت معاهم كلام وعرفت انهم كانوا جايين يحضروا خطوبة "بنت بنتهم" وانهم ساكنين فى اسكندريه، وبقالهم 43 سنه متجوزين. طريقة كلامهم ونظراتهم لبعض تقول ان عينى بتخدعنى وان دول شباب فى شهر العسل، بس حكاياتهم القديمه بتؤكد شكلهم العجوز.وانجذبت معاهم وتعمدت انزل فى آخر المحطه بدل من سموحه.

هم عملوا إيه علشان يفضلوا كده؟؟!! كنت بكلم نفسى وأنا نازله، معقول فى كدا؟؟؟!!! دا يتسمى "حـــب"؟؟ لو اتسمى حب يبقا أكيد هيرفع من شأن الحب، اما لو بوصفهم بالكلمه دى فهتكون اقل بكتييييير من إللى يستحقوه، ولقيتنى برفع راسى للسما وبقول لــربنا " يا رب....أنا عاوزه من ده"، عاوزه جواز يعيش ويدوم ويعد السنين، عاوزه أعيشه بكل مشاكله ومشاعره وصحته ومرضه، عاوزه ألمس وأحس توافقاته وتناقضاته، مش مهم يكون اسمه ايه، حُب أو عشره... المهم يكون فيه الحاجات الحلوه دى.

 

عاوزه من ده...بعد سنيين جواز طويله، عاوزه افضل كل ما ابص لزوجى أبتسم، مش هتهمنى التجاعيد على وشه ولا طقم السنان إللى فى الكوبايه على الكومودينو، ولا كوام الأدويه، ولا المشاكل إللى قابلناها طول حياتنا ولا مصروف البيت الشويه وطلبات الولاد وجهاز البنات ولا الخناقات على اتفه سبب، هيفضل دايماً بينا شئ "حلو" له طعم، شئ يخلينى لما يسألنى "بتبتسمى ليه؟" أقول له " علشان مش متخيله لو ما كنت اتجوزك كان حالى هيكون إزاى؟؟ ولو رجع بى الزمن بردو هختارك انت رغم كل إللى عانيته معاك".

الحاجات دى كلها ممكن تنمو بين اتنين متجوزين وعايزين يعيشوا صح حتى لو كان جوازهم مش عن حب

حتى لو كانوا ما يعرفوابعض قبل الزواج، بس المهم يكون هم الاتنين عندهم نفس الاستعداد والرغبه فى ان الحياه تستمر على أكمل وأحلى صوره مش عيشه والسلام.

فى حين ممكن نلاقى ناس كتير متجوزين عن حب وفضلوا سنين مع بعض قبل الجواز، ورغم كدا بعد كام شهر او كام سنه تلاقى الحياه بينهم تفتر

والحب يموت.........أيوه بيموت وبــــــــــــيــنتحـــر كمان.

 

لما ما يلاقى إللى يراعيه ويكبره أكيد هيموت او ينتحر من وش الإتنين الغم إللى عايش معاهم،هيحس انه وقع فى إيد ناس مش مقدرينه علشان كدا لازم يهرب منهم.

أسباب كتير ممكن تقتل الحب أو تدفعه للإنتحار، قلت لكم زى إهمال أحد الزوجين للآخر وانشغاله عنه. وكمان زى العين الزايغه لبعض الرجاله وكمان بعض الستات، وان كل حد يبص لزوج او زوجة التانى يقارنها بحاله. ممكن واحد يكون سعيد ومستمتع وهو بياكل ساندوتش فول علشان بيحبه، وتلاقى إللى جنبه بيبص بقرف للحمام إللى معاه وعيونه بتزوغ على الفول، هل لو أكل من الفول هيستمتع زى التانى ولا دى مجرد فراغة عين وعدم قناعه؟؟

الراجل مش بيبص للفول ،دا بيبص لنظرة الاستمتاع فى عيون صاحب الفول، مش الفول هو سبب المتعه، ولكن حب الرجل للفول هو سبب متعته علشان كدا ما اهتم يبص على الحمام فى يد زميله.

ربنا سبحانه وتعالى بيقول :" وَلَا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنيَا لِنَفْتِنَهُمْ فِيهِ وَرِزْقُ رَبِّكَ خَيْرٌ وَأَبْقَى "(131) سورة طـــه.

أصعب حاجه هى "التفريق" بين زوجين، سواء من انفسهم بخيانة احد الطرفين للآخر او بتدخل طرف تالت واستغلال ثغرة الضعف دى بينهم، ومن عظمة الشأن ده ان ربنا سبحانه وتعالى خوف الناس منه وجعله من أمور السحر إللى الناس ممكن تستعين بيها فى افشال الزواج، ربنا ما تكلم عن السحر فى انه يسبب الغنى او الصحه او المراكز العليا ولكنه يستخدم فى امور اعظم واهم :" وَاتَّبَعُواْ مَا تَتْلُواْ الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيْاطِينَ كَفَرُواْ يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولاَ إِنَّمَا نَحْنُ فِتْنَةٌ فَلاَ تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُم بِضَآرِّينَ بِهِ مِنْ أَحَدٍ إِلاَّ بِإِذْنِ اللّهِ وَيَتَعَلَّمُونَ مَا يَضُرُّهُمْ وَلاَ يَنفَعُهُمْ وَلَقَدْ عَلِمُواْ لَمَنِ اشْتَرَاهُ مَا لَهُ فِي الآخِرَةِ مِنْ خَلاَقٍ وَلَبِئْسَ مَا شَرَوْاْ بِهِ أَنفُسَهُمْ لَوْ كَانُواْ يَعْلَمُونَ (102) سورة البقره

تلاقى بعد الزواج لو أحد الطرفين حبه فتر التاني بيستسهل ويوفر على نفسه المحاوله ويشوف له سكه تانيه؛ الخيـــــانه، ما تستغربها عن رجل او إمرأه وما أكثر أصحاب النفوس الضعيف.

تلاقى الناس لما بتفكر فى الحب بييجى فى بالهم الحب الملهلب بتاع الأغانى وأول الزواج، ما سمعوش عن "الحب العاقل" بتاع طول العمر.

 

إحنا ناس كبار صح؟؟؟ وعلشان كدا انا عاوزه اكبر معاكم وهكلمكم على المكشوف

 

هو الحب فى الزواج معناه العلاقه الزوجيه والكلام الحلو بس؟؟؟ ما اعتقدش، وإلا ما يكون حب وله اسم تانى اتكسف اقوله.

لو كان الحب يعنى علاقه وبس كان انتهى عند سن معين وكل الأزواج انفصلوا عن بعض،وما كان ربنا تحدث عن "الموده والرحمه"فى الحديث عن الزواج :" وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ (21) سورة الروم

ولا الزواج يعنى أولاد ولا حتى بيت مفروش كويس، الزواج "رباط مقدس" لا ينقطع بإنقطاع أى من الأسباب إللى قلتها لكم.

يعنى سواء فى علاقه او مفيش فى أولاد أو مفيش فى صحه وفلوس أو مفيش..كدا كدا رباط الزواج مستمر بشئ قوى لا يمكن تسميته ولا حتى بكلمة "حُــــــــــــــــب"، وإلا كان ربنا سبحانه وتعالى ذكرها مع السكينه والموده والرحمه.

عـــــــــــــــهـــــــــــــد أخدتوه على انفسكم ولازم توفوا بيه ولو حتى تجاهدوا للحفاظ عليه.

واحده صحبتى فضلت 7 سنين تحب ابن الجيران واتجوزته، وبعد سنه من الجواز بسألها عن حبهم قالت " أبو ولادى" والله العظيم حصل!! بتحبه علشان بقا مقرد سبب فى وجود أولادها، ولو اختفى اعتقد انه مش هيفرق معاها ما دام الأولاد موجودين.

بزعل أوى على الحب إللى يروح بعد الزواج، يعنى زى الطفيليات والبكتيريا، ينمو فى البيئه القذره ويموت فى البيئه النظيفه.ينتعش قبل الزواج ويموت ويتحلل فى الزواج.

 

دعوه ورجاء لكل زوج و زوجه لإنقاذ زواجهم بكل وسيله ممكنه، خساره الحب إللى كان بينهم وناس كتير ممكن تحسدهم عليه، خساره العشره والولاد والحاجات الحلوه إللى بينكم،خساره الساعات والأيام والسنين الجميله إللى مكنش ينفع تعيشوها من غير بعض.

أنا لسه بهاجم الحُب الخيالى بتاع الأغانى، ومش عاوزه اعرفه، لكن بحترم أوى الحب إللى يدوم بعد الزواج

ويكون أقوى من أى سبب وكل حجه.

صدقونى...كل واحد ممكن ينقذ زواجه ويستمتع بيه لو حاول ولو محاوله بسيطه بأى مجهود بدل ما ييأس من اصلاح شريكه ويروح يدور على غيره.

 

يا كل زوج...والله العظيم تقدر تغير من زوجتك وتعيش معاها الحب زى ما بدأتم وأقوى بس حاول، ويا كل زوجه...أرجوكى استجيبى للمحاوله وبلاش كلمة كل ستات مصر " إحنا كبرنا عالحاجات دى" والنداء بالعكس لكل زوجه وكل زوج.

 الكلمه الحلوه إللى بتقولها لواحده تانيه زوجتك أولى بيها والإبتسامه الجميله واللمسه الحنينه زوجك أحق بيها

وزى ما قلت لكم..الحب والزواج كائنات حـــــــــــــيــه؛؛؛؛ بتموت بالإهمال والقسوه والسلبيه فى المعامله وتجاهل الطرف الآخر واعتباره كائن بلا مشاعر او أن مشاعره غير جديره بالإهتمام بمجرد توقيع عقد الزواج أو وصول أول طفل لكم.

 

لو كل واحد وفى بواجباته نحو الآخر قبل ما يطالب بحقوقه منه، وقتها هتكونوا كلكم زى نموذج الزوجين المسنين إللى حكيت لكم عنهم وهشاور على كل واحد فيكم وأقول "أنا عاوزه من ده" وأى حاجه تانيه لا يمكن ترضينى أو أقبل بيها

عقد الزواج رباط أبدى، وزوجى فى الدنيا هو زوجى فى الآخره حتى لو حواليه عشرات من الحور العين...وراه وراه ،وهاخد الثواب بيه وندخل سوا الجنه ومع بعض دنيا وآخره

فكروا واحسبوها بقلوبكم وعقولكم ومشاعركم وهتطلع الحسبه صح

والحب العاقل هو إللى هيكسب فى النهايه وكلنا هنعوز منه وبس وملهوش أى بديل تانى

 

 

اللهم متع أزواج المسلمين بزوجاتهم ومتع زوجات المسلمين بأزواجهن يا رب

 العالمين

 Sabrina Abu Ali

 

 

JOIN US!!

 

Analyse This ! Yahoo Groups

 

 Analyse This ! Facebook  

---

Discover the new Windows Vista Learn more!

والله يا بنت يا صابرين انتى مالكيش حل
بجد انتى خسارة , هما الرجالة عندكوا اتعموا والا ايه ؟
انتى قلتى حاجات كتير قوى من الى كان نفسى اقولها
" عرض علينا الحب فأدرنا له ظهورنا بغير اكتراث "
الحب ربنا قالنا عليه من زمان بس احنا سيبنا الحلال وبندور عالحرام من الى بنشوفه فى الشارع والتليفزيون والكلية والكافيه والمولات
احب احكى حكاية عجبتنى اوى
كان فيه واحد مسن كده عنده معاد مع الدكتور وبعدين قعد يحكى له عن مراته الى جالها مرض الزهايمر ومابتفتكرش اى حد ولا اى حاجة وقاعدة فى دار مسنين
وكل شوية يقوله من فضلك يا دكتور تخلص عشان عندى معاد مع مراتى
اصلى لازم اروحلها كل يوم افطر معاها واطمن عليها
فالدكتور قاله يا سيدى مادام هى مش فاكراك يبقى مش حتفرق معاها النهاردة او بكرة
الراجل قال للدكتور لو هى مش فاكرانى ومش عارفانى فأنا فاكرها وعارفها كويس قوى
هو ده الحب الحقيقى الى ممكن اى حد يدور عليه
مش حب الافلام الخايبة الى بنتفرج عليها
فى الافلام الاجنبى يحبوا الاول ويتجوزوا ( مش جواز اوى يعنى ) وممكن بقى يخلفوا كمان وبعدييييييننننن يفكروا يتجوزوا بجد
اوم ايييييه وهما متجوزين زهقوا من بعض يقوموا يعرفوا ناس تانيين
اوم ايييه ممكن بقى يسيبوا بعض عشان يكونوا مع الناس التانيين
او يرجعوا البعض وتبقى دى غلطة والمفروض ينسوها
اما عندنا بقى فخد عندك
عمر وسلمى
عن العشق والهوى
خيانة مشروعة
حين ميسرة
ايه الحلاوة دى ؟
وكلهم افلام ان دلت فانما تدل على انحطاط وانسفال واستهبال وناس بتشتغل ناس وخيانة وقلة ادب
لا وايه احنا بنتفرج عليهم وبنتأثر بيهم وممكن كمان يكونوا لا قدر الله مثلنا الاعلى
يا لهوىىىىىىىىى
يعنى احنا الجواز عندنا بقى علاقة حب
وماديات مع حد جاهز يتجوز
ومعظمنا بيفشل فشل ذريع
طب والنبى بذمتكو دى مش خيبة تقيلة
كل الرجالة عايزين يتجوزوا هيفا وهبى
والستات عاوزين احمد عز مش بتاع الحديد طبعا
كليوباترا

---

To: analyse_this_@yahoogroups.com
From: Analyse-This
Date: Tue, 3 Jun 2008 00:03:02 +0300
Subject: [Analyse_This_] أنا عاوزه من ده

 
 

 

 

 فى حكمه بتقول إن :" الإنسان عدو ما يجهل"، بمعنى إننا غالباً "بنهاجم" الحاجات إلى ما نعرفها، أو على الأقل بننفر منها وبيكون موقفنا سلبى تجاهها. يعنى افرض مثلاً انى قلت لكم عزماكم على بط بالبرتقال أو فراخ مشويه بالسكر البُنى.....يــــــــع، أكيد دى الكلمه إللى صدرت من معظمكم دا غير علامات القرف والتقزز.

ودا بالظبط إللى كان بيحصل معايا لما بسمع كلمة "حــــــب" أو حد يكلمنى عنه، والأكتر من كدا انى كنت بهاجم الحب بشراسه وبسخر منه كمان، ولما واحده صحبتى تتخطب و"تتدهول" فى الحب كنت بعملها تريقة القعده، ودايماً بقول ان مفيش حاجه اسمها حب ودا وهم إحنا بنعيش فيه نفسنا علشان نعرف نبلع الواقع، يعنى بنخلق لنفسنا حياه غير الحياه، مرطب بيخفف من خشونة الدنيا.ودا ناتج عن انطباعاتى الســيئــه عن كل قصص الحب إللى سمعتها او قريتها

 

ولو بصيتوا فى أشهر قصص الحب العالميه هتلاقوها اشتهرت علشان "مآسيها" مش علشان نهاياتها السعيده، لو كانت سعيده ما كانوا ذكروها.وكمان القصص دى كلها "خايبه وفاشله" ولا عمرى هعترف بيها علشان مزيفه ومن غير اساس.

عارفين "روميو وجوليت" العيال إللى عندهم 14 سنه ،لو كانوا أهاليهم كانوا هاودوهم واشتروا دبلتين وخلصوا الموضوع من غير عناد، كانوا العيال هيزهقوا من بعض وتتفركش الحكايه من غير مأساه أقرب إلى الملهاه، عناد مش اكتر غير انى روميو كان عاطل ومش وراه حاجه غير اللعب والسباق والحفلات، والتانيه محبوسه ومش لاقيه حاجه تعملها فجمعهم "الـــفراغ" فى وهم اسمه الــــــــحــــــــب.

وكليوباترا حبت انطونيوا علشان نفوذه ومعاداته لأخو مراته "اكتافيوس" ولو كان اكتافيوس هو اللى جه بدل انطونيو كانت بردو حبته وخلصت الحكايه من غير انتحار وكلام فارغ، هى انتحرت علشان خافت على نفسها من البهدله مش حزناً على المحروس المهزوم.

مين كمان؟؟ آه... قيس وليلى، ودى أسوء قصص الحب، بذمتكم ودينكم فى حد يحب واحده فى بيئه شرقيه جافه ويفضحها؟؟!!،عارف ان ممنوع "التشبيب" – يعنى انك تقول كلام حب او شعر فى اللى بتحبه- وإللى يعمل كدا تتحرم عليه حبيبته ويتمنع من زواجها، ورغم ذلك قيس ولا همه وفضل يتغزل فى البنت ويشهر بيها والجزيره العربيه كلها بقت تقول قصايده وعرفت اسمها واتفضحت،كأن الشهره والشعر اهم من ان تجمعه مع حبيبته خيمه واحده. كان عارف انها هتتحرم عليه، دى عاداتهم وتقاليدهم والتاريخ ما ذكر ان قيس كان بيدرس فى اوروبا علشان كدا ما عرف التقاليد دى، دا كان بيعملها متعمد...وبتقولوا ان دا حــــــــــب؟؟؟

اظن سمعتوا كمان عن عنتر وعبله، ابو المبالغه كلها قال إيه :" ولقد ذكرتك والرماح نواهلُُُ منى وبيض الهند تقطر من دمى .....فوددت تقبل السيوف لأنها لمعت كبارق ثغرك المتبسم"..آه يا...... ولا بلاش

دمه سايح وعاوز يبوس السيوف علشان فكرته بسنانها اللامعه، البيه الحبييييب بعد ما اتجوز "عبله" قلبها، وخصوصاً لما طلعت مش بتخلف وكمان اتجوز عليها، دى حقيقه تاريخيه، بذمتكوا دا حب نستشهد بيه؟؟!!!

 

مش دا الحب القدوه إللى نتمثل بيه ونتمناه فى حياتنا، الحب المبنى على وش الأرض من غير أساس أكيد هينهار مع اول خبطه، علشان كدا أعلى معدلات الطلاق بتكون فى اول سنه بعد الجواز، الولد والبنت كانوا بيحبوا بعض بطريقة الافلام والاغانى، الفارس الخشب والعروسه الحلاوه، الواد الأمور والبنت اللذيذه.

مش دا الحب إللى يبنى بيوت ويعمرها ويخليها تصمد على مر السنين.

 أنا مش عاوزه الحب إللى من النوع ده، حتى لو مكنش فى غيره فيبقا مش عاوزه حب خالص وخلينى كدا احسن.

مره شفت اتنين اتمنيت انى اكون فى مكانهم، والله من كل قلبى دعيت اكون زيهم انا وزوج المستقبل وعيونى دمعت وانا بدعى،كنت مسافره بالسوبر جيت، ودا بالنسبه لى أحلى سفر علشان بنكون "مجتمع" صغير فى مكان مغلق، ببص لوشوش الناس واعمل عليها حواديت،بعد ما قعدت فى الكرسى لقيت واحده ست عجووووزه أوى بتطلع الأتوبيس وبتمد إيديها تساعد حد لساه بيطلع وراها. من حسن حظى انهم قعدوا قصادى، شكلهم جميل، بيجذبوا العيون وكأنهم مغناطيس.من اول ما ركبوا وهما مبتسمين وراسهم فى راس بعض،وهات يا سهارى بصوت همس ولا كأنهم مخطوبين لو لسه شباب بيحبوا بعض. والراجل كل شوى يسألها "انت مستريحه كدا؟" وشوي يحط دراعه وراها وشوى يساعدها تتعدل.كان لازم اتكلم معاهم ولأنى دايماً ماشيه بــ"محل بقاله" صغنن فى شنطتى قلت افتح كلام واعزم عليهم، وفعلاً الراجل مد ايده علشان ياخد منى حاجه لقيت الست بتمسك ايده وبتقول له "لأ" بطريقه وكأنها عتاب، لقيته بيبتسم وبيقول لها :" والله مش لى دا ليكى" ورجع قال لى " اصل عندى السكر وهى بتخاف على، لكن ما دام هى أكلت يبقا انا اكلت " مش عاوزه اقول لكم انى عبيطه ودمعتى قريبه وبتأثر بسهوله؛ مسكت نفسى علشان ما اعيطش وألم الاتوبيس على ولا الناس يقولوا غيرانه منهم. فتحت معاهم كلام وعرفت انهم كانوا جايين يحضروا خطوبة "بنت بنتهم" وانهم ساكنين فى اسكندريه، وبقالهم 43 سنه متجوزين. طريقة كلامهم ونظراتهم لبعض تقول ان عينى بتخدعنى وان دول شباب فى شهر العسل، بس حكاياتهم القديمه بتؤكد شكلهم العجوز.وانجذبت معاهم وتعمدت انزل فى آخر المحطه بدل من سموحه.

هم عملوا إيه علشان يفضلوا كده؟؟!! كنت بكلم نفسى وأنا نازله، معقول فى كدا؟؟؟!!! دا يتسمى "حـــب"؟؟ لو اتسمى حب يبقا أكيد هيرفع من شأن الحب، اما لو بوصفهم بالكلمه دى فهتكون اقل بكتييييير من إللى يستحقوه، ولقيتنى برفع راسى للسما وبقول لــربنا " يا رب....أنا عاوزه من ده"، عاوزه جواز يعيش ويدوم ويعد السنين، عاوزه أعيشه بكل مشاكله ومشاعره وصحته ومرضه، عاوزه ألمس وأحس توافقاته وتناقضاته، مش مهم يكون اسمه ايه، حُب أو عشره... المهم يكون فيه الحاجات الحلوه دى.

 

عاوزه من ده...بعد سنيين جواز طويله، عاوزه افضل كل ما ابص لزوجى أبتسم، مش هتهمنى التجاعيد على وشه ولا طقم السنان إللى فى الكوبايه على الكومودينو، ولا كوام الأدويه، ولا المشاكل إللى قابلناها طول حياتنا ولا مصروف البيت الشويه وطلبات الولاد وجهاز البنات ولا الخناقات على اتفه سبب، هيفضل دايماً بينا شئ "حلو" له طعم، شئ يخلينى لما يسألنى "بتبتسمى ليه؟" أقول له " علشان مش متخيله لو ما كنت اتجوزك كان حالى هيكون إزاى؟؟ ولو رجع بى الزمن بردو هختارك انت رغم كل إللى عانيته معاك".

الحاجات دى كلها ممكن تنمو بين اتنين متجوزين وعايزين يعيشوا صح حتى لو كان جوازهم مش عن حب

حتى لو كانوا ما يعرفوابعض قبل الزواج، بس المهم يكون هم الاتنين عندهم نفس الاستعداد والرغبه فى ان الحياه تستمر على أكمل وأحلى صوره مش عيشه والسلام.

فى حين ممكن نلاقى ناس كتير متجوزين عن حب وفضلوا سنين مع بعض قبل الجواز، ورغم كدا بعد كام شهر او كام سنه تلاقى الحياه بينهم تفتر

والحب يموت.........أيوه بيموت وبــــــــــــيــنتحـــر كمان.

 

لما ما يلاقى إللى يراعيه ويكبره أكيد هيموت او ينتحر من وش الإتنين الغم إللى عايش معاهم،هيحس انه وقع فى إيد ناس مش مقدرينه علشان كدا لازم يهرب منهم.

أسباب كتير ممكن تقتل الحب أو تدفعه للإنتحار، قلت لكم زى إهمال أحد الزوجين للآخر وانشغاله عنه. وكمان زى العين الزايغه لبعض الرجاله وكمان بعض الستات، وان كل حد يبص لزوج او زوجة التانى يقارنها بحاله. ممكن واحد يكون سعيد ومستمتع وهو بياكل ساندوتش فول علشان بيحبه، وتلاقى إللى جنبه بيبص بقرف للحمام إللى معاه وعيونه بتزوغ على الفول، هل لو أكل من الفول هيستمتع زى التانى ولا دى مجرد فراغة عين وعدم قناعه؟؟

الراجل مش بيبص للفول ،دا بيبص لنظرة الاستمتاع فى عيون صاحب الفول، مش الفول هو سبب المتعه، ولكن حب الرجل للفول هو سبب متعته علشان كدا ما اهتم يبص على الحمام فى يد زميله.

ربنا سبحانه وتعالى بيقول :" وَلَا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنيَا لِنَفْتِنَهُمْ فِيهِ وَرِزْقُ رَبِّكَ خَيْرٌ وَأَبْقَى "(131) سورة طـــه.

أصعب حاجه هى "التفريق" بين زوجين، سواء من انفسهم بخيانة احد الطرفين للآخر او بتدخل طرف تالت واستغلال ثغرة الضعف دى بينهم، ومن عظمة الشأن ده ان ربنا سبحانه وتعالى خوف الناس منه وجعله من أمور السحر إللى الناس ممكن تستعين بيها فى افشال الزواج، ربنا ما تكلم عن السحر فى انه يسبب الغنى او الصحه او المراكز العليا ولكنه يستخدم فى امور اعظم واهم :" وَاتَّبَعُواْ مَا تَتْلُواْ الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيْاطِينَ كَفَرُواْ يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولاَ إِنَّمَا نَحْنُ فِتْنَةٌ فَلاَ تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُم بِضَآرِّينَ بِهِ مِنْ أَحَدٍ إِلاَّ بِإِذْنِ اللّهِ وَيَتَعَلَّمُونَ مَا يَضُرُّهُمْ وَلاَ يَنفَعُهُمْ وَلَقَدْ عَلِمُواْ لَمَنِ اشْتَرَاهُ مَا لَهُ فِي الآخِرَةِ مِنْ خَلاَقٍ وَلَبِئْسَ مَا شَرَوْاْ بِهِ أَنفُسَهُمْ لَوْ كَانُواْ يَعْلَمُونَ (102) سورة البقره

تلاقى بعد الزواج لو أحد الطرفين حبه فتر التاني بيستسهل ويوفر على نفسه المحاوله ويشوف له سكه تانيه؛ الخيـــــانه، ما تستغربها عن رجل او إمرأه وما أكثر أصحاب النفوس الضعيف.

تلاقى الناس لما بتفكر فى الحب بييجى فى بالهم الحب الملهلب بتاع الأغانى وأول الزواج، ما سمعوش عن "الحب العاقل" بتاع طول العمر.

 

إحنا ناس كبار صح؟؟؟ وعلشان كدا انا عاوزه اكبر معاكم وهكلمكم على المكشوف

 

هو الحب فى الزواج معناه العلاقه الزوجيه والكلام الحلو بس؟؟؟ ما اعتقدش، وإلا ما يكون حب وله اسم تانى اتكسف اقوله.

لو كان الحب يعنى علاقه وبس كان انتهى عند سن معين وكل الأزواج انفصلوا عن بعض،وما كان ربنا تحدث عن "الموده والرحمه"فى الحديث عن الزواج :" وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ (21) سورة الروم

ولا الزواج يعنى أولاد ولا حتى بيت مفروش كويس، الزواج "رباط مقدس" لا ينقطع بإنقطاع أى من الأسباب إللى قلتها لكم.

يعنى سواء فى علاقه او مفيش فى أولاد أو مفيش فى صحه وفلوس أو مفيش..كدا كدا رباط الزواج مستمر بشئ قوى لا يمكن تسميته ولا حتى بكلمة "حُــــــــــــــــب"، وإلا كان ربنا سبحانه وتعالى ذكرها مع السكينه والموده والرحمه.

عـــــــــــــــهـــــــــــــد أخدتوه على انفسكم ولازم توفوا بيه ولو حتى تجاهدوا للحفاظ عليه.

واحده صحبتى فضلت 7 سنين تحب ابن الجيران واتجوزته، وبعد سنه من الجواز بسألها عن حبهم قالت " أبو ولادى" والله العظيم حصل!! بتحبه علشان بقا مقرد سبب فى وجود أولادها، ولو اختفى اعتقد انه مش هيفرق معاها ما دام الأولاد موجودين.

بزعل أوى على الحب إللى يروح بعد الزواج، يعنى زى الطفيليات والبكتيريا، ينمو فى البيئه القذره ويموت فى البيئه النظيفه.ينتعش قبل الزواج ويموت ويتحلل فى الزواج.

 

دعوه ورجاء لكل زوج و زوجه لإنقاذ زواجهم بكل وسيله ممكنه، خساره الحب إللى كان بينهم وناس كتير ممكن تحسدهم عليه، خساره العشره والولاد والحاجات الحلوه إللى بينكم،خساره الساعات والأيام والسنين الجميله إللى مكنش ينفع تعيشوها من غير بعض.

أنا لسه بهاجم الحُب الخيالى بتاع الأغانى، ومش عاوزه اعرفه، لكن بحترم أوى الحب إللى يدوم بعد الزواج

ويكون أقوى من أى سبب وكل حجه.

صدقونى...كل واحد ممكن ينقذ زواجه ويستمتع بيه لو حاول ولو محاوله بسيطه بأى مجهود بدل ما ييأس من اصلاح شريكه ويروح يدور على غيره.

 

يا كل زوج...والله العظيم تقدر تغير من زوجتك وتعيش معاها الحب زى ما بدأتم وأقوى بس حاول، ويا كل زوجه...أرجوكى استجيبى للمحاوله وبلاش كلمة كل ستات مصر " إحنا كبرنا عالحاجات دى" والنداء بالعكس لكل زوجه وكل زوج.

 الكلمه الحلوه إللى بتقولها لواحده تانيه زوجتك أولى بيها والإبتسامه الجميله واللمسه الحنينه زوجك أحق بيها

وزى ما قلت لكم..الحب والزواج كائنات حـــــــــــــيــه؛؛؛؛ بتموت بالإهمال والقسوه والسلبيه فى المعامله وتجاهل الطرف الآخر واعتباره كائن بلا مشاعر او أن مشاعره غير جديره بالإهتمام بمجرد توقيع عقد الزواج أو وصول أول طفل لكم.

 

لو كل واحد وفى بواجباته نحو الآخر قبل ما يطالب بحقوقه منه، وقتها هتكونوا كلكم زى نموذج الزوجين المسنين إللى حكيت لكم عنهم وهشاور على كل واحد فيكم وأقول "أنا عاوزه من ده" وأى حاجه تانيه لا يمكن ترضينى أو أقبل بيها

عقد الزواج رباط أبدى، وزوجى فى الدنيا هو زوجى فى الآخره حتى لو حواليه عشرات من الحور العين...وراه وراه ،وهاخد الثواب بيه وندخل سوا الجنه ومع بعض دنيا وآخره

فكروا واحسبوها بقلوبكم وعقولكم ومشاعركم وهتطلع الحسبه صح

والحب العاقل هو إللى هيكسب فى النهايه وكلنا هنعوز منه وبس وملهوش أى بديل تانى

 

 

اللهم متع أزواج المسلمين بزوجاتهم ومتع زوجات المسلمين بأزواجهن يا رب

 العالمين

 Sabrina Abu Ali

 

 

JOIN US!!

 

Analyse This ! Yahoo Groups

 

 Analyse This ! Facebook  

---

Discover the new Windows Vista Learn more!

(كفـــــاك)

كنت أتمنى أن أراك .. أسمع صوتك.. ألمس يداك.. كنت بكل جوارحي أرعاك.. ولـــــكن الآن كفــــــــاك... فحبك قتلني ... مزقني ... وعســـــاك ... عســـاك أن تحس به.. عسـاك.. فأنا لم أذق منك إلا قسواك... "حبيبي ..." أقولها وأنا أتحطم ... أقولها وقلبي يترطم.. كفـــــــــاك كفـــــاك عمري ... كفـــــاك حبــي... كفـــــاك صبري... كفــــــــــاك... فلم أرى منك إلا جفـــاك.. واعذرني حبيبي ... فما عدت أعجب بدنيــــاك.. دنيـــا السكــــــون ... دنيــا الصموت .... دنيــا تموت فـــداك... فســـاعدني أرجوك أن أن أنســــاك... رغم معرفتي بأني لن أنســـــاك... لكن ســــاعدني ... فعسى أن يفيق قلبي من هواك...

Best Regards,

Rania Sekeik